Ótinish avtorlarynyń málimdeýinshe, tergeý organdary, prokýratýra jáne sýdıalar Birtanovtyń kinásizdigi týraly ýájine nazar aýdarmaı jatqanyn atap ótti.
- Biz Birtanovtyń tikeleı baǵynyshtysy da, týysy da emespiz jáne Eljan Amantaıulyn qyzmeti arqyly ǵana tanımyz. Ol ózi medıınalyq uıymdardy aralap, teledıdardan suhbat berip, dóńgelek ústelderge, brıfıngterge qatysyp, kóterilgen birde-bir máseleni nazardan tys qaldyrǵan emes. Búkil álem sııaqty eldiń indetke daıyn bolmaǵany jáne sol kezdegi Densaýlyq saqtaý mınıstrine tikeleı baılanysty bolǵannyń barlyǵyn ózi jasap, júzege asyrǵany onyń kinási emes jáne sol kezdegi Densaýlyq saqtaý mınıstri ózine tikeleı qatysy bar jumysty durys atqaryp, qoldan kelgendi jasady, - dep jazylǵan petıııada.
Memleket basshysyna joldanǵan úndeýde qazaqstandyqtar Eljan Birtanovtyń isin jiti qadaǵalap otyrǵanyn jáne eks-mınıstrdiń kináli ekenine senbeıtini aıtylǵan.
- Jaqsy basshynyń, dárigerdiń, tulǵanyń taǵdyryna beıjaı qaramaıtynyńyzǵa senemiz. Dál qazirgi ýaqytta sizdiń ujymyńyzda qarapaıym halyq senim artqan osyndaı kásibı mamandar, patrıottar, bilikti adamdar bolýy kerek. Birtanovty zańsyz qylmystyq qýdalaýdy toqtatýyńyzdy suraımyz! - delingen petıııada.
Petıııaǵa qol qoıý 21 qańtarda bastaldy. Qazirgi ýaqytta oǵan 2 myńǵa jýyq adam qol qoıǵan.
Esterińizge sala keteıik, burynǵy densaýlyq saqtaý mınıstri Eljan Birtanov horvatııalyq Ericsson Nicola Tesla kompanııasy jasaǵan Densaýlyq saqtaý mınıstrligin aqparattandyrý platformasyn qabyldap, iske qosý arqyly qyzmet babyn asyra paıdalandy degen kúdikke ilindi. Birtanovtyń úıqamaqta otyrǵanyna bir jyldan asty. Qylmystyq is 133 tomnan turady.
"Adyrna" ulttyq portaly
