Búgingi jýrnalısttiń suraǵyna tap osylaı jaýap berdim. Óıtkeni, kimmen bolsyn aradaǵy kelispeýshiligińiz bolsa, sot arqyly sheship alýǵa bolady (Atqarýshy bılik pen kúshtik qurylymdar, jumys berýshińiz ben densaýlyq, bilim t.b. sala qyzmetkerlerimen de.)
Bizdiń sottardyń kózińdi baqyraıtyp qoıyp ádiletsiz sheshimderdi shyǵara salatynyn talaı kórip júrmiz. Qarsylyq bildirseńiz aıtatyn ýájderi — «Kelispegen jaǵdaıda appelıaııalyq sotqa aryzdanýyńyzǵa bolady…». Appelıaııalyq sotta baryńdy salyp jeńip shyǵýyń múmkin. Biraq, sol kezdiń ózinde birinshi satyda qaraǵan sýdıaǵa eshqandaı shara kórilmeıdi. Óıtkeni, zańmen qorǵalǵan.
Sonda, sizdiń birinshi satydaǵy sottyń kesirinen sandalǵan jarty jyldyq ýaqytyńyz ben júıkeńizge túsken salmaqqa kim jaýap beredi?
Eshkim jaýap bermeıdi. Ári, kóp adam ekinshi satydaǵy sotqa sandalyp júrgisi kelmeıdi. Ashynǵan adamǵa eń ońaıy alańǵa nemese ákimshilikke baryp ashý-yzasyn tógip qaıtý. Osylaı-osylaı jınalǵan ashý men yzaly halyq sanynyń kóbeıýi — «bir kúni jarylatyn bomba». Ol «jarylǵan bombanyń» saldarynan «bastary aýyratyn» úkimet pen kúshtik qurylymdar.
Al, bizdiń «aılyqtary kóterilgen» sýdıalarymyz (halyqtyń kóshege shyǵýyna basty sebepker sheshimderdiń avtorlary) kóshedegi polıııa men halyqtyń qarsylasyp jatqandyǵyna mıyǵynan qarap, úılerinde «sháılaryn soraptap» jata berýleri ádiletsizdik emeı nemene?!
Sot sizdiń aryzyńyz boıynsha ádil sheshim shyǵyrmasa qaıda barasyz?! «Kóshe men alańǵa» barasyz. Solaı etseńiz sizdiń «qolyńyzdy qaıyryp» qaıda aparady? Qaıtadan álgi sotqa aparady.
Sondyqtan, keshegi kóshege ashynyp shyqqan halyqtyń sondaı kúıge jetýiniń basty sebepkerleri retinde sýdıalardyń ádiletsiz sheshimderi dep tanylyp, sot júıesin tolyqtaı qaıta reformalaýdy usynamyn!
Meniń usynysym: Birinshi satydaǵy sottyń sheshimi ekinshi satydaǵy appelıaııalyq sotta kúshi joıylatyn bolsa, onda, sol birinshi satydaǵy sýdıaǵa shara kórilýi kerek. Jylyna eki ret sol sýdıanyń sheshimi joǵarydan buzylatyn bolsa, ol sýdıany jumystan bosatý kerek. Olaı biliktiligi jetpeıtin sýdıanyń adam taǵdyryna qatysty memleket atynan úkim shyǵarýǵa haqysy joq.
Qosar oılaryńyz bolsa tómenge jazsańyzdar bolady.
Rústem ESIMHANULY,
"Adyrna" ulttyq portaly
