Jýrnalıst Murat Muqash: "Inimizdi aıýandyqpen óltirdi"

7589
Adyrna.kz Telegram

Jýrnalıst Murat Muqash feısbýk jelisinde jaqyn inisin narazylyq kezinde polıııa ustap áketkenin, keıin ony ata-anasy máıithanadan tapqanyn aıtyp jazba qaldyrdy dep habarlaıdy "Adyrna" ulttyq portaly.

Bul týraly Murat Muqash bylaı dep jazdy (qaz-qalpynda berip otyrmyz-red.):

"Ótken aptanyń jumasy bizdiń áýletimiz úshin asa aýyr, qaraly kún boldy! "Almas qaıtys boldy" degen sýyq habardy estigende tóbemizden jaı túskendeı sezindik! Amal qansha, barsha týystar Taldyqorǵan qalasyna jıylyp, kózimizden jasymyz sorǵalap júrip baýyrymyzdy jer qoınyna tapsyrdyq! Artynda ańyrap anasy, eńsesi ezilip ákesi, júregi qan jylaǵan aǵasy men adal jary, úsh balasy qaldy! Nebári 44 jasta bolatyn.
Almas meniń ákemniń úlken aǵasy Qanapııa atamyzdyń nemeresi edi. "Aǵa" dep ańqyldap júretin kishipeıil inimniń qazasy maǵan óte aýyr tıdi! Sol kúnnen beri "Nege?" "Ne úshin?" degen suraqtar jatsam-tursam oıymnan keter emes.
Ata-anasynyń aıtýynsha, sherýge shyqpagan. Tek kókónis satatyn dúkenin tekserip qaıtyp kele jatqan jolda kelin ekeýin polıeıler toqtatady. Kelindi sol jerge qaldyrady da, Almasty alyp ketedi. Sodan bastap ol joq bolady. Ata-anasy 5 kún boıy izdeıdi, aqyry máıithanadan tabady.
Óziniń shaǵyn kásibimen aınalysyp, bala-shaǵasyn asyrap júrgen inimizdiń eshqandaı jazyǵy joq edi ǵoı. Sony bile tura quqyq qorǵaýshy jendetterdiń sonshalyqty aıýandyq tanytyp, soqqyǵa jyqqanyn nemen túsindirýge bolady? Olarǵa buıryq bergen kim?..
Keshe Almastyń anasy Álııa jeńgemmen habarlastym. Hal-ahýaldaryn suradym. "Qaıtemiz endi, tiri adam tirshiligin isteıdi ǵoı. Prokýrorǵa bardym. Kináli adamdardy anyqtap, jaýapkershilikke tartýdy ótinip, aryz jazdym" - dedi jeńgem. "Iá, artynan izdeýshisi joq eken demesin. Solaı istegenderiń durys qoı", - dedim men de jeńgemdi qostap, sol kinálilerdiń múlde tabylmaıtynyn ishteı sezip tursam da.
Adam quqy, ádildik, shyndyk, adamgershilik tárizdi kıeli uǵymdardy túbegeıli joqqa shyǵarǵan bul qoǵamǵa osydan soń qaıtip ishiń jylıdy?! Jazyqsyz inimizdi eshqandaı tergep-tekserýsiz azaptap óltirgen aıýandardy qarǵys atsyn!", — dep jazdy ol jelide.

Aıta ketý kerek, dál osyndaı jaǵdaıda polıııanyń áketýimen ketken  nemese joǵalǵan birqatar jigitter úılerine qaıta oralmaı jatyr. Al olardyń otbasy qan jylap, búginde mán-jaıdy, shyndyqty bile almaı dal.

 

"Adyrna" ulttyq portaly. 

Pikirler