Máslıhat depýtaty, kásipker Qaırat Qudaıbergen qumarlyqqa shaqyratyn býkmekerler men onlaın kazınolardy jabýdy usyndy. Ol atalǵan iske qatysty petıııa quryp, qol jınaýdy bastap ketti. Qasym-Jomart Toqaevqa joldaǵan vıdeo-úndeýinde Qaırat Qudaıbergen bul máseleni qolǵa alyp, sheship berýdi ótindi, dep habarlaıdy “Adyrna” ulttyq portaly Stan.kz saıtyna silteme jasap.
"Ókinishke qaraı, siz-bizdep shyryldap júrgen másele beı-jaı qalyp otyr. Bul onlaın kazıno, býkmekerler bıngo, alaıaqtardyń ótirik oınaý platformalary, oıyn qumarlyqqa shaqyratyn, tehnıkalyq turǵyda zańsyz, lıenzııasy joq osyndaı oıyndardy kórip otyrmyz", - deıdi depýtat.
Qudaıbergen buǵan deıin de petıııa quryp, qol jınap, prezıdentke joldaǵanyn aıtady. Alaıda ázirge bul suraq nazardan tys qalyp otyr, deıdi kásipker.
Aıtýynsha, qumar oıyndar elimizdegi januıa ınstıtýtyn buzady.
"Qanshama otbasylar ajyrasyp jatyr, adamdar ózine qol jumsap jatyr, qaryzǵa batyp, bireýdiń ómirimen oınap jatqan oıyn qumarlardyń, kazınolardyń qaltasyn toltyryp jatyr. Elimizden mıllıardtaǵan aqshalar basqa eldiń ofshorlyq zonasyna, bankterine ketip jatyr. Buǵan qaraıtyn quzyrly organdar qazirgi tańda eshteńe estimeıtin, kórmeıtin, bul týraly aıtpaıtyn uıymdarǵa aınaldy", - deıdi Qudaıbergen.
Depýtat býkmekerler men onlaın kazınolardyń jarnamasy "jer jaratynyn" aıtyp ashyndy. Ásirese, sportty nasıhattaıtyn arnalardyń qumar oıyndy qoldap otyrǵany ókinishti, deıdi ol.
"Eń namysqa tıetin nárse, úlken saıttar, YouTube, telearna bolsyn, sportty nasıhattaıtyn bizdiń ulttyq telearnalar osy býkmekerlerdiń jarnamasyna qarqyn berip otyr. Bul - naǵyz uıat, namyssyzdyq. Elimizdi aldap júrgen býkmekerlerdiń aqshalaryn alyp, sportqa salý. Menińshe, sportqa salatyn aqshasy 5 paıyz, al 95 paıyzy bireýdiń qaltasyn toltyryp jatyr. Bul aqsha - qarapaıym halyqtyń aqshasy", - deıdi Qudaıbergen.
"El aǵasy retinde osy suraqty qolǵa alyp, sheshýińizdi suraımyz", - dep prezıdentke ótinishin aıtty depýtat.
Qudaıbergen bul máselege beı-jaı qaramaıtyn adamdardy petıııaǵa qol qoıýǵa shaqyrdy. Ol qazirdiń ózinde 21 myńnan asa qol jınap úlgergen.
“Adyrna” ulttyq portaly
