Úkimet «ÓKM Operatorynyń»ókilettigin toqtatý týraly qaýly qabyldady. Endigi kezekte ýtılızaııalyq alymdy «Jasyl Damý» memlekettik kompanııasy júzege asyrady. Uıym ne isteıdi, onyń qarjylyq jaǵdaıy qandaı jáne ony kim basqarady? Osy jáne ózge de suraqtarǵa Azattyq Rýhy tilshisi jaýap berdi.
Ashyq kózderden alynǵan derekter boıynsha, "Jasyl Damý" akıonerlik qoǵamy Qarjy mınıstrliginiń Memlekettik múlik jáne jekeshelendirý komıtetine tıesili ekeni belgili. Kompanııa saıtynda AQ Qazaq ekologııa jáne klımat ǵylymı-zertteý ınstıtýtyn qaıta qurý jolymen qurylǵandyǵy kórsetilgen.
Kompanııa 2013 jylǵy 29 naýryzda elordada Qonaev kóshesi, 12/1-de tirkeldi. Ol 31-den 40 adamǵa deıin jumys isteıtin shaǵyn kásiporyn retinde esepteledi.
Uıymda birneshe qyzmet túrleri bar: qaýipti qaldyqtardy óńdeý jáne joıý, jaratylystaný jáne tehnıkalyq ǵylymdar salasyndaǵy zertteýler men ázirlemeler, aqparattyq tehnologııalar men aqparattyq júıeler salasyndaǵy qyzmetter.
Negizgi mıssııasy – qorshaǵan ortany saqtaý, qalpyna keltirý jáne sapasyn jaqsartý boıynsha jaǵdaı jasaý.
Kásiporynnyń qarjylyq jaǵdaıy túsiniksiz. 2011 jylǵa deıin salyq shegerimderi óte joǵary bolǵan, sodan keıin uıym «Jasyl damý» seriktestigi bolyp qalyptasa bastaǵan tusta olar kúrt tómendegen. Biraq sońǵy jyldary bıýdjetke túsetin túsimder artyp keledi. Jaǵdaıy jaqsy bolyp kóringenimen, pk.uchet qyzmetiniń málimetinshe, kompanııa bıýdjetke salyq pen kedendik tólemder boıynsha 635 939 teńge qaryz.
Kompanııany buryn Qostanaı oblysy boıynsha ekologııa departamentiniń basshysy bolǵan Azamat Álimbaev basqarady. Sondaı-aq ol buryn Ekologııalyq retteý jáne baqylaý komıteti tóraǵasynyń orynbasary bolyp jumys istedi.
«Adyrna» ulttyq portaly
