Bıbisara Asaýbaevanyń anasy tósbelgimen marapattaldy

2300
Adyrna.kz Telegram

QR Mádenıet jáne sport mınıstri Dáýren Abaev álem shahmaty tarıhyndaǵy eń jas álem chempıony Bıbisara Asaýbaevamen kezdesti. Bul týraly mınıstrliktiń baspasóz qyzmeti jazdy, dep habarlaıdy «Adyrna» tilshisi.

Kezdesý barysynda mınıstr Bıbisara Asaýbaevany quttyqtaı kele, anasy Lıana Tańjaryqovaǵa alǵysyn bildirip, «Dene shynyqtyrý men sportty damytýǵa sińirgen eńbegi úshin» tósbelgisimen marapattady.

«Bıbisara – el maqtanyshy. Búkil álem kóz tikken bedeldi týrnırdegi Bıbisara Asaýbaevanyń jarqyn jeńisi, elimizdegi shahmat tarıhynda altyn árippen jazylatyn bolady. Osy oraıda Bıbisaranyń ata-anasyna, jattyqtyrýshylaryna erekshe alǵys bildirgim keledi. Bıbisara Asaýbaevanyń aıtýly jeńisi óseleń urpaqtyń shahmat sportyna degen qyzyǵýshylyǵyn arttyryp, yntalandyratyny sózsiz», - dep atap ótti Mádenıet jáne sport mınıstri.

Esterińizge sala keteıik, Polsha astanasy Varshava qalasynda ótken álem chempıonatynda 17 jastaǵy qazaqstandyq shahmatshy Bıbisara Asaýbaeva «blıte» birinshi oryndy jeńip alyp, álemdik shahmat tarıhynda áıelder arasynda eń jas shahmatshy ataǵyna ıe boldy.

Sondaı-aq atalmysh chempıonatta Bıbisara jyldam shahmattan (rapıd) 2-oryndy ıelendi. Buǵan deıin qazaqstandyq sportshy Bıbisara Asaýbaeva qyzdar arasynda 8, 10, 12 jáne 14 jasqa deıingi klassıkalyq shahmattan álem chempıony, 7, 9 jasqa deıingi oqýshylar arasynda álem chempıony atanǵan.

«Adyrna» ulttyq portaly

Pikirler