Almaty qalalyq PD Arnaıy jáne jumyldyrý daıyndyǵy basqarmasynyń aǵa ınspektory Aqtan Zaınolda áriptesterimen birge departament ǵımarattarynyń qorǵanysyn qalaı saqtap qalǵany týraly aıtyp berdi, dep habarlaıdy «Adyrna» tilshisi polisia.kz-ke silteme jasap.
– 5-i kúni keshke arnaıy jospar jarııalanǵannan keıin biz Almaty Polıııa departamentiniń ákimshilik ǵımarattaryn kúzetýge arnalǵan posttarymyzǵa tura bastadyq. Bizdiń mindetimiz – lańkesterdiń PD ǵımaratyna enýine jáne olardyń qarý-jaraqty ıelenýine jol bermeý boldy, óıtkeni azamattardyń jáne jalpy eldiń qaýipsizdigine úlken qaýip tónip turdy, – dedi kapıtan Zaınolda. Polıııa qyzmetkeriniń málimetinshe, shabýyl jasaǵandar – áýesqoılar emes. Másele jaqsy daıyndalǵan shabýyldaýshylar jaıynda. – Lańkester jaqsy daıyndalǵan. Ǵımarat 4-5 jaqtan shabýylǵa ushyrady. Oǵan qosa, departamenttiń janynan kólikpen júrip, bizdiń nazarymyzdy basqa jaqqa aýdardy. Sodan keıin qylmyskerler bul kólikterden oq jaýdyrdy. Meniń ornym túni boıy qarýly shabýylǵa toıtarys bergen úshinshi postta boldy. Ár polıııa qyzmetkerin jaýyngerlik pozıııalarǵa bóldik, — dedi Aqtan Zaınolda.
Abyroı bolǵanda, qylmyskerlermen bolǵan bul shaıqasta polıeılerdiń eshqaısysy qaza tapqan joq. Kapıtan bul ýaqytta jeke qaýipsizdigi týraly oılamaǵanyn atap ótti. Azamattardyń qaýipsizdigi tarazyda boldy.
– Biz bir-birimizdi qoldadyq. Qarýly lańkesterge abyroımen toıtarys berý jáne olardyń qarýdy ıelenýine jol bermeý mańyzdy boldy. Biz beıbit turǵyndar men qalany qorǵaýdy birinshi orynǵa qoıdyq, – dedi quqyq qorǵaý organynyń qyzmetkeri.
«Adyrna» ulttyq portaly
