Shymkentte qoǵamdyq keńes músheleri azamattardyń ótinishterin tyńdady

1481
Adyrna.kz Telegram

Shymkent qalalyq qoǵamdyq keńes músheleri qabyldaý ótkizdi. Qazaqstan halqy Assambleıasynyń ǵımaratynda ótken qabyldaýǵa túrli máseleleri bar 7 turǵyn jazylǵan. Olardyń aryz-talabyn Nurǵazy Buharbaev bastaǵan keńes músheleri tyńdady. Olardyń qatarynda Jumaǵalı Bilisbekov, Nurjan Ajımetov, Baýyrjan Álteev, Ersultan Ámirbek syndy el aǵalary bar.

Qabyldaýǵa kelgen azamattardyń árqaısysy muń-muqtajyn arqalaı kelgen. Máselen, Aıgerim Orynbasarova baspana suraıdy.Onyń aıtýynsha, jubaıynyń múgedektigi bar. Bes balaly kelinshek eki perzentim múmkindigi shekteýli retinde esepte turady deıdi. Ipotekamen úı alýǵa qarjysy jetpeıdi. Onyń ústine eki balasynyń dári-dármegine aı saıyn qyrýar qarjy ketedi, al baspana kezegim baıaý jyljıdy degen muqtajyn jetkizdi.

Kóp balaly áıeldiń ótinishin tyńdaǵan Nurǵazy Baqtybaıuly barlyq másele zań aıasynda sheshiletinin, múmkindigi shekteýli jandarǵa memleket tarapynan barynsha jaǵdaı jasalyp otyrǵanyn jetkizdi. Al turǵynnyń ótinishin depýtattar nazaryna jetkizetinen aıtty.

Bul kúni qabyldaýǵa kelgen azamattardyń kóbisi úı máselesi boıynsha ótinishterin jetkizdi. Degenmen, aralarynda múmkindigi shekteýli jandar men shalǵaı shaǵynaýdandaǵy kórshileriniń tilegin arqalaı kelgen turǵyndar da bar. Qoǵamdyq keńes músheleri olardyń barlyǵyn muqııat tyńdap, tıisti keńesterin berdi. Aıta keteıik, qoǵamdyq qabyldaý 17-21 qańtar aralyǵynda jalǵasady.

Nýrlan Bektaev

Pikirler