Jurnalist Möldır Baqyt qoǧamda qalyptasqan jaǧdaiǧa qatysty azamattyq pıkır bıldırıp, käsıptık qazaq tılı, ūlttyq ūiysu mäselesın aşyp jazdy, dep habarlaidy "Adyrna" ūlttyq portaly.
- Resei Qyrymdy basyp alǧan soŋ, Qazaqstanǧa ukrain jıgıtterı köp kele bastady. Köz aldymda üş jurnalis qyz Ukrainadan kelgen jıgıtterge tūrmysqa şyqty. Sodan berı osy elde tūrady. Übırlı-şübılı otbasyǧa ainaldy. Jaǧdailary bes. Biznes aşty, basqasymen ainalysty. Qazaqstanǧa tez sıŋısıp kettı. Bızdıkıler olardy maman retınde de joǧary baǧalaidy. Qazır kez kelgen qazaqtan jaqsy ömır süredı. Jalpy būl elde orystıldı adamdarǧa jetıstıkke jetu oŋaiyraq qoi, - dedı jurnalist.Avtor öz pıkırın qoǧamdaǧy qazaqtıldılerdıŋ äleumettık statusyna qatysty közqarasymen örbıttı. Būl jaiynda:
"Sosyn osy FB [feisbuk] segmentte de qazaqşa jazatyn aqyldy adamnan(qyzdan), orysşa jazatyn ortaşa aqyldy adam (qyz) äldeqaida joǧary baǧalanady. Aqyldy degende, pafosqa toly dünieler emes, adekvattylyq tūrǧysynan aitam", - dedı Möldır Baqyt.
Jurnalistıŋ ötkır jazbasyna: "Orysşa bılmeseŋ bıraz tabystan da qaǧylasyŋ", "Solai bop tūr. Oǧan Ūlttyq ideianyŋ joqtyǧy sebep", "Qazaq tılın bıletın jūmysşylardyŋ ailyǧy 30% ösedı dese bıraz dünie özgergelı tūr. Kerısınşe aǧylşyn tılın bılgenderge 10% qosylǧaly tūr. Kez-kelgen chatta orysşa sairap tūrǧan öz qazaǧym, bılsın-bılmesın", Qazır Qazaqstanda orys tılı men qytai tılın bıletınderdıŋ jaǧdaiy jaqsy bop tūr" dep pıkır bıldırdı oqyrmandar.
Ūqsas jaŋalyqtar
