2018 jylǵy 15 naýryzda Qazaqstan Respýblıkasy Ulttyq mýzeıinde «QOSh KELDIŃ, NAÝRYZ, MOL BOLSYN DÁM-TUZ!» atty Ulystyń Uly kúnine oraı uıymdastyrylǵan merekelik is-shara ótti.
Mádenıet jáne sport mınıstri Arystanbek Muhamedıuly «Egemen Qazaqstan» gazetine bergen suhbatynda: «Árbir merekeniń ózindik salmaǵy bar, al Naýryz bizdiń ulttyq eń birinshi merekemiz! Dástúrimizdi dáriptep, asyl muralarymyzdyń bederin aıshyqtaýda orny erekshe bul merekeni qazaq halqy «jaqsylyqtyń bastaýy» dep uǵady»,– dep atap kórsetti.
Ulttyq mýzeı shańyraq kótergen kúnnen bastap Naýryz merekesin dástúrli túrde atap ótip keledi. Elimizdiń tarıhy men mádenıetiniń oshaǵy bıyl da atalmysh merekeni úlken daıyndyqpen ótkizdi.
Sharanyń ashylý saltanatynda sóz alǵan QR Ulttyq mýzeıi dırektorynyń orynbasary, ǵalym, arheolog J. Taımaǵambetov: «Kópten kútken Naýryz merekesi – tek qazaqtyń ǵana emes, búkil túrki tildes elderdiń meıramy. Bul kún keshirim kúni, renjiskender tatýlasyp, jastar oıyn-saýyq quryp, kúlli jurt jaqsylyqqa bet buratyn kún. Qazirgi kezde Naýryz merekesi táýelsiz Qazaqstanda zor yqylaspen toılanatyn halyqtyq sıpattaǵy saltanatty meıramǵa aınaldy. Bul meıram ár ýaqytta irgesi myqty birliktiń, eńseli eldiktiń, yrys pen baq-berekeniń merekesi bolyp sanalady»,– dedi.
Ulttyq Mýzeıdiń jer júzi jańǵyrar osy mereke qarsańynda «Tusaýkeser rásimi» jobasy boıynsha búldirshinderdiń dástúrimizge saı tusaýy kesildi. Eki jyl boıy ómirsheńdigin kórsetip kele jatqan bul jobanyń maqsaty – ata-anasynyń qamqorlyǵynan shet qalǵan sábılerdiń ómirindegi mańyzdy sátteriniń birin merekege aınaldyrý. Sonymen qatar, halqymyzdyń salt-dástúrin dáriptep, jańǵyrta túsý.
Astana qalasyndaǵy balalar úıinen arnaıy kelgen sábılerdiń tusaýyn elimizge belgili tulǵalar kesti. Atap aıtar bolsaq, bıylǵy jyly bes búldirshinniń tusaýyn kesý mindeti ǵalym, antropolog Orazaq Smaǵululyna, ǵalym, arheolog Jáken Taımaǵambetovke, jazýshy, jýrnalıst Qýanysh Jıenbaıǵa, dástúrli ánshi Erbolat Shaldybaevqa jáne aqyn Serik Seıtimanǵa buıyrdy. Bir aıta keterligi, osy ýaqytqa deıin Ulttyq mýzeıde tusaýy kesilgen 10 sábı búgingi tańda óz otbasylaryn taýyp, baqytty ǵumyr keship jatyr.
«Qosh keldiń, Naýryz, Mol bolsyn dám-tuz!» atty merekelik shara «Tusaýkeser» rásiminen keıin Naýryz merekesine arnalǵan «Ańyz áleminde» atty balalar erteńgiligimen jáne «Ińkár sezim» atty balalar defılesimen jalǵasty.
Ulttyq mýzeıdegi merekelik sharany arnaıy tamashaý úshin qarttar úıinen 10 adam shaqyrylyp, arnaıy qurmet kórsetildi. Sharaǵa kelgen qonaqtar men qatysýshylar tós qaǵysyp, kórisý saltyn oryndap, merekelik konertti tamashalady.
