Shymkent qalasynda áleýmettik mańyzy bar azyq-túlik qory men qalypty bólke nan baǵasy turaqty jáne tapshylyq joq. Búginde qala aýmaǵynda 30 myń tonnaǵa jýyq áleýmettik azyq-túlik taýarlardyń qory bar. Onyń ishinde 5 aıǵa jetetin birinshi surypty un qory bar.
Megapolıste astyqty qaıta óńdeıtin 10 un óndiretin kásiporyn jumys isteıdi. Olarmen jylyna 200 myń tonna un óndiriledi. Atalǵan dıirmenderde eki aıǵa jetetin shıkizat bar.
Búgin qala ákimi Murat Áıtenov un qorynyń jetkilikti deńgeıde shyǵarylýyna kóz jetkizý úshin astyqty óńdeıtin «Danı Nan» JShS-niń jumysymen tanysty.
Kásiporyn kúnine 430 tonna bıdaıdy qaıta óńdep, qalany bıdaı unymen tolyǵymen qamtamasyz etýde. Sonymen qatar, Respýblıka aýmaǵyna jáne kórshiles turǵan elderge eksportqa shyǵarady.
Osy rette, qala basshysy un baǵasynyń kóterlýi nan baǵasynyń ósýine áser etetinin aıtyp, baǵany turaqty ustap turý úshin shetelge eksporttalatyn un kólemin azaıta turýdy aıtty.
Qazirgi tańda qalypty bólke nan baǵasyn turaqtandyrý maqsatynda, naýbaıhanalarǵa turaqtandyrý qorynan áleýmettik baǵada un úlestirilýde.
Shymkent qalasy ákimdiginiń baspasóz qyzmeti
