Aýyl sharýashylyǵy mınıstrligi Qazaqstanda aýsyl aýrýynyń tirkelgenin resmı túrde rastady, dep habarlaıdy «Adyrna» tilshisi KazTAG-qa silteme jasap.
«Qaraǵandy oblysy Shet aýdanynyń Kıikti aýyldyq okrýginde dene qyzýy kóterilip, jem-shópten bas tartqan iri qara mal anyqtaldy. Dıagnozyn anyqtaý úshin osy janýarlardan bıologııalyq materıal synamalary alyndy, olar QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń Veterınarııa boıynsha ulttyq referenttik ortalyǵyna jiberildi. Zerthanalyq zertteýlerdiń nátıjeleri boıynsha aýsyl dıagnozy qoıyldy»,– delingen habarlamada.
Osy jaǵdaıǵa baılanysty 14 qańtarda Kıikti aýyldyq okrýgi ákiminiń sheshimimen aýrý maldar tabylǵan «Murat» fermerlik sharýashylyǵyna karantın qoıyldy.
«Respýblıkalyq epızootııaǵa qarsy otrıad» RMM veterınarııalyq-karantındik is-sharalardy júrgizýge kiristi, ınfekııa oshaǵyn joıý boıynsha arnaıy tehnıka men 16 maman jumyldyryldy. Óńirdegi epızootııalyq jaǵdaı baqylaýda», - dep tolyqtyrdy Aýyl sharýashylyǵy mınıstrligi.
Esterińizge sala keteıik, 12 qańtarda Reseı aýsyl aýrýyna baılanysty Qazaqstannan et pen sút ákelýdi shektegen bolatyn.
Aýsyl - jylqydan basqa túliktiń barlyǵynda kezdesetin qaterli indet túri. Oǵan shaldyqqan maldyń kózi jasaýrap, aýzynan silekeı aǵady, kúldireýikter shyǵyp, juqa terili jerge deıin órship, týtasyp, irińdi sýǵa aınalady. Eki- úsh kúnnen keıin kúldiregen tilin salbyratyp, silekeıin toqtaýsyz shubyrta bastaıdy.
«Adyrna» ulttyq portaly
