Aqtóbe oblysynda iri kásiporyndar jumysshylardyń jalaqysyn kótere bastady, dep habarlaıdy jergilikti Moı gorod portaly.
Aımaqtaǵy mıtıngter kezinde iri kásiporyndardyń jumysy toqtap turdy. Sonyń ishinde Aqtóbe mys kompanııasy, "Qazhrom" men "SPNS-Aqtóbemunaıgaz" bar. Narazylyq akııalary bastalǵannan keıin arnaıy komıssııa qurylǵan bolatyn.
Aqtóbe oblysy ákiminiń orynbasary Rýslan Qambarovtyń aıtýynsha, iri kásiporyndar 2-3 kúndeı jumys istemeı turǵan. Sonyń ózi ekonomıkalyq kórsetkishterge birshama áser etti. Jumysshylar joldy japqannan keıin kólik qatynasy men júk tasymaly toqtady.
"Jumys berýshiler men jumysshylar arasyndaǵy daý-damaı shekten shyǵyp ketti. Adamdar temir joldy jáne tas joldy jaba bastady. Ondaı jaǵdaı kásiporyndardyń jumysyna ǵana emes, jalpy, temirjol men kólik qatynasyna keri áser etti. Qalalar arasyndaǵy qatynas toqtap qaldy. Máselen, Samara-Shymkent tas jolynda Hromtaýǵa jaqyn jerde úlken keptelis boldy", - deıdi Qambarov.
Budan bólek, mıtıngke qatysýshylar Aqtóbe - Astrahan, Qarabutaq - Qostanaı, Qandyaǵash – Embi tas joldaryn jaýyp tastady. Narazylyq bildirýshi top jalaqyny kóterýdi talap etti.
"Osy aıdan bastap 25 myń jumysshynyń jalaqysy ortasha eseppen 25 proentke ósedi. Aqtóbe mys kompanııasy, "Kopper Tehnolodjı" men "Qazgeorýd" bar, ol jerde, shamamen, eki myń adam isteıdi, jalaqy 20 proentten 50-ge deıin kóteriledi. Aımaqtaǵy iri munaı kompanııasy - "SPNS-Aqtóbemunaıgazda" 25 proentke, al "Qazhromda" jalaqy 10 proentten 35-ke deıin artady", - dedi ákimniń orynbasary.
Qambarov basqa kompanııalarmen kelissóz júrgizilip jatqanyn da jetkizdi.
”Adyrna” ulttyq portaly
