QR Sifrlyq damu, innovasiialar jäne aeroǧaryş önerkäsıbı ministrı Asqar Jūmaǧaliev halyqqa esep beru kezdesuınde egov.kz portalynan QR-kod arqyly aluǧa bolatyn memlekettık qyzmetterdıŋ tızımın jariialady dep habarlaidy «Adyrna» ūlttyq portaly Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıp ministrlıgıne sılteme jasap.
Ministrdıŋ aituynşa, QR-kod arqyly aluǧa bolatyn qyzmetterdı osy aida ūsynu üşın tehnik mamandar jūmys ısteude. QR-kod arqyly aluǧa bolatyn alǧaşqy memlekettık qyzmetter:
- nekenı tırkeu
- balanyŋ tuuyn tırkeu
- balabaqşa kezegıne qoiu
- zaŋdy tūlǧany tırkeu
- salyq esebın qabyldau (250 forma)
«Būl qyzmetterdı kompiuter arqyly alu barysynda ESQ-ǧa qol qoiu kezınde QR-kodty skanerlep, qyzmettı eGovMobile qosymşasy arqyly aluǧa sūrau jıberuge bolady. Ol üşın kompiuterıŋızge ESQ-ny paidalanu üşın qosymşa baǧdarlama ornatudyŋ qajetı joq», - dep atap öttı Asqar Jūmaǧaliev.
Osylaişa, azamat eGov.kz portalynan qyzmetterdı alu barysynda «QR-code arqyly qol qoiu» funksiiasyn taŋdai alady. Sodan soŋ eGovMobile qosymşasyn paidalanyp, monitorda paida bolǧan kodty skanerleidı.
Osy aidyŋ soŋynda keibır qyzmetterdı QR-kod arqyly alu mümkındıgı ıske asyrylady. Aldaǧy uaqytta QR-kodtyŋ kömegımen aluǧa bolatyn qyzmetterdıŋ qatary köbeiedı.
«eGovmobile» qosymşasy AppStore jäne PlayMarket platformalarynda bar. Sondai-aq, atalǧan mobildı qosymşada sūranysqa köp ie qyzmetter men servisterdıŋ 60 türı qoljetımdı. Azamattyŋ jeke kuälıgı sekıldı «sifrlyq qūjattary» da engızılgen. Mobildı qosymşany tolyqqandy paidalanu üşın ESQ-nyŋ boluy şart jäne mobildık azamattar bazasynda tırkeluıŋız kerek.
ESQ-ny qaşyqtan alu jäne mobildı azamattar bazasynda tırkelu üşın https://egov.kz/cms/ru/services/pass_onlineecp sıltemesıne ötıŋız.
Basqalarmen bölıse
otyryŋyz
