تيمۋر بالىمبەتوۆ العاش رەت اكە اتاندى

بۇل قۋانىشتى جاڭالىعىمەن تيمۋر بالىمبەتوۆتىڭ ءوز Instagram پاراقشاسىندا ءبولىستى.

- بۇگىن بالىمبەتوۆ يسا تيمۋرۇلى دۇنيەگە كەلدى. ءبىز ونى ارماندادىق، دۇعا تىلەپ، ۇزاق كۇتتىك. جاراتۋشىعا مىڭ العىس. يسا مەن لاۋرانىڭ جاعدايى جاقسى. ولار قازىر دەمالىپ جاتىر. بىزگە قولداۋ ءبىلدىرىپ، ءبىز ءۇشىن دۇعا جاساعان بارشاڭىزعا راحمەت. لاۋرا سەنى ماقتان تۇتامىن. ساعان دەگەن ماحابباتىم شەكسىز. دوستار، مەن ەندى اكەمىن!", - دەپ جازدى پروديۋسەر.

ايتا كەتەيىك، ەرلى-زايىپتىنى بارشا جەلى قولدانۋشىلارى قۇتتىقتاپ، اق تىلەكتەرىن جاۋدىرىپ جاتىر. ولاردىڭ قاتارىندا بالىمبەتوۆتىڭ دوستارى اكتريسا الميرا تۇرسىن، ءانشى ليدو، دانيار ءالشىنوۆ، قارلىعاش مۇحامەدجانوۆا، گۋلنار سىلباەۆا، ينديرا ەدىلباەۆا، ەركە ەسماحان جانە تاعى باسقالارى بار. 

"ادىرنا" ۇلتتىق پورتالى