سەمەي قالاسىندا وقۋ پروتسەسىنە كەدەرگى كەلتىرىپ، مۇعالىمدەردى كوشە سىپىرۋعا جىبەرگەن. شاماسى، مۇنداي تاپسىرمانى قالا اكىمىنىڭ ورىنباسارى بەرىپ، وسىنداي مازمۇنداعى حات مەكتەپتەرگە تاراتىلعان. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ جەلىدەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى.
- 2019 جىلدىڭ جەلتوقسانىندا قابىلدانعان زاڭ شەڭبەرىندە پەداگوگتەردى وزىنە ءتان ەمەس فۋنكتسيالارعا تارتۋعا تىيىم سالىنادى. سودان بەرى مۇعالىمدەر تەك تىكەلەي فۋنكتسيونالدىق مىندەتتەرمەن اينالىسۋى كەرەك ەكەنىن ءتۇسىنۋ ءۇشىن ۋاقىت جەتكىلىكتى بولدى.مۇنداي بۇزۋشىلىقتار ءۇشىن ەكى جۇزگە جۋىق باسشى جازالاندى. ولار تارتىپتىك جانە اكىمشىلىك جاۋاپكەرشىلىككە تارتىلىپ، ءتىپتى جۇمىستان شىعارىلدى. سەمەي قالاسىنداعى وقيعاعا بايلانىستى ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتى اكىمشىلىك ءىس قوزعاپ، تەكسەرۋ جۇرگىزىلىپ جاتىر. قالا اكىمى ورىنباسارىنىڭ بۇل جاعدايعا قاتىستىلىعى راستالعان جاعدايدا، اتالعان لاۋازىمدى تۇلعا جانە وزگە تۇلعالار اكىمشىلىك جاۋاپكەرشىلىككە تارتىلادى. ءبىز سونداي-اق قاجەتتى شارالار قابىلداۋ ءۇشىن مەملەكەتتىك قىزمەت ىستەرى اگەنتتىگىنە جۇگىنەمىز. سونىمەن قاتار قالالىق ءبىلىم ءبولىمىنىڭ باسشىسى دا جاۋاپكەرشىلىككە تارتىلادى، - دەپ جازدى مينيستر جەلىدە.
ەسكە سالا كەتەيىك، 16 قازان كۇنى سەمەيدەگى مەكتەپتە ساباقتاردى توقتاتىپ، مۇعالىمدەردى سەنبىلىككە شىعارعان. قالا تۇرعىنى مۇعالىمدەردىڭ كوشە سىپىرىپ جۇرگەنىن سۋرەتكە ءتۇسىرىپ، جەرگىلىكتى باسىلىمعا جىبەرگەن بولاتىن.
"ادىرنا" ۇلتتىق پورتالى
