ماڭعىستاۋ وبلىسىندا شەتەلدىك تۋريستەردى پوليتسەي توقتاتقان

1035
Adyrna.kz Telegram
https://adyrna.kz/content/uploads/2023/12/policziya-ءkوligi-960x500.jpg?token=6126ce0faa44f46978476eb078b4846b
ماڭعىستاۋ وبلىسىندا جول پاترۋلدىك قىزمەتى شەتەلدىك ءنومىرلى كولىكتى توقتاتىپ، الدىڭعى اينەكتەرىن قارالاۋعا بايلانىستى ەسكەرتۋ جاسادى، دەپ حابارلايدى "ادىرنا" ۇلتتىق پورتالى. قازاقستاندا الدىڭعى تەرەزەلەردى قاراڭعىلاۋ زاڭمەن تىيىم سالىنعان. باستاپقىدا تاراپتار ءبىر-ءبىرىن تۇسىنبەي قالعان. پوليتسيا قىزمەتكەرلەرى زاڭدى تۇسىندىرۋگە تىرىسقانىمەن، كولىك يەسى تىلدىك كەدەرگىنى العا تارتىپ، ءمان-جايدى ۇقپاعان كەيىپ تانىتقان. پوليتسەيلەر دە سابىرلىق تانىتىپ، تۋريستەرگە ءساتتى ساپار تىلەپ، ولاردى جىبەرەدى. الايدا كولىك ءبىراز الىستاعاننان كەيىن، كولىكتەگى ايەل جۇرگىزۋشى سەرىگىنە جول بويىنداعى جاعدايدى ءتۇسىندىرىپ، توقتاتۋدىڭ ناقتى سەبەبى – ءدال سول تونيروۆكا ەكەنىن ايتقان. بۇل ءسات تاسپاعا ءتۇسىپ، جەلىدە تاراعان. جەلى قولدانۋشىلارى ەكىگە جارىلدى. ءبىر بولىگى تۋريست قىزدارعا اشۋلانىپ، «ءتىل بىلمەگەنىن سىلتاۋراتىپ، پوليتسەيلەردى اداستىردى» دەسە، ەندى ءبىرى ازىلمەن قابىلداپ، «جاعدايدان ءساتتى قۇتىلدى» دەپ باعالادى.
پىكىرلەر