ۇلتتىق قوردان ساۋىردە 968 ملن دوللار ساتىلدى. تەڭگە باعامى السىرەدى

1163
Adyrna.kz Telegram
https://adyrna.kz/content/uploads/2024/05/whatsapp-image-2024-05-28-at-14.13.42-960x500.jpeg?token=66e7320b32ba489d6028f4c058c05624

ءساۋىر ايىندا ۇلتتىق بانك رەسپۋبليكالىق بيۋدجەتتى قارجىلاندىرۋ ءۇشىن ۇلتتىق قوردان 968 ملن اقش دوللارىن ساتتى. بۇل – سول ايداعى جالپى ۆاليۋتا نارىعىنداعى ساۋدانىڭ 18 پايىزىنا تەڭ. ورتا ەسەپپەن كۇنىنە 44 ميلليون دوللار ساتىلعان. بۇل تۋرالى ۇلتتىق بانكتىڭ رەسمي سايتىندا جاريالانعان، دەپ حابارلايدى ”ادىرنا” ۇلتتىق پورتالى. 

اقپاراتقا سايكەس، ۇلتتىق بانك مامىر ايىندا ۇلتىق قوردان ۆاليۋتا ساتۋدى جالعاستىرادى. ۇكىمەتتىڭ الدىن الا بەرگەن وتىنىمدەرىنە سايكەس، بۇل سوما 950 ميلليوننان 1,05 ملرد دوللارعا دەيىن جەتۋى مۇمكىن.

ءساۋىر ايىندا تەڭگە باعامى 1,6 پايىزعا السىرەپ، اي سوڭىندا 1 دوللار – 512,48 تەڭگە بولدى. سونىمەن قاتار، ءبىر كۇندىك ورتاشا ساۋدا كولەمى 243 ميلليوننان 246 ملن دوللارعا دەيىن ءوستى. جالپى، اي بويىنشا ۆاليۋتا

ساۋداسىنىڭ كولەمى 5,4 ملرد دوللارعا جەتتى.

ۇلتتىق بانك سونىمەن بىرگە التىن ساتۋ اياسىندا ساۋىردە 213 ملرد تەڭگەنى اينالىمنان شىعارىپ، وسىلايشا نارىقتاعى ارتىق وتىمدىلىكتى شەكتەۋگە تىرىستى. مامىر ايىندا دا وسى كولەمگە جۋىق ۆاليۋتا ساتىلادى دەگەن بولجام بار.

كۆازيمەملەكەتتىك سەكتور ۇيىمدارى وتكەن ايدا تۇسكەن تابىسىنان شامامەن 308 ملن دوللاردى نارىقتا ساتتى.

بۇدان بولەك، بىرىڭعاي جيناقتاۋشى زەينەتاقى قورى (بجزق) اكتيۆتەرىندەگى ۆاليۋتا ۇلەسىن 40 پايىز دەڭگەيىندە ساقتاۋ ماقساتىندا ءساۋىر ايىندا 250 ملن دوللارعا شەتەل ۆاليۋتاسى ساتىپ الىنعان. مامىردا بۇل كورسەتكىش 250 ملن دوللاردان اسپايدى دەپ جوسپارلانىپ وتىر.

ايتا كەتۋ كەرەك، ساۋىردە ۇلتتىق بانك تىكەلەي ينتەرۆەنتسيا (ياعني، نارىققا بەلسەندى ارالاسپادى) جۇرگىزگەن جوق.

پىكىرلەر