اقتوبە وبلىسىنىڭ پروكۋراتۋراسى «اقتوبە» فۋتبول كلۋبىندا ءىرى كولەمدەگى قارجىلىق زاڭبۇزۋشىلىقتاردى انىقتادى، دەپ حابارلايدى "ادىرنا" ۇلتتىق پورتالى.
باس پروكۋراتۋرانىڭ تاپسىرماسى بويىنشا جۇرگىزىلگەن تەكسەرىس بارىسىندا 250 ميلليون تەڭگە كولەمىندە قارجى جىمقىرىلعانى بەلگىلى بولدى.
«انىقتالعان زاڭبۇزۋشىلىقتار اراسىندا – ويىنشىلاردى ترانسفەرلەۋگە جانە اۋە ساپارلارىن ۇيىمداستىرۋعا قاتىستى كۇماندى كەلىسىمشارتتار بار. سونىمەن قاتار، فۋتبولشىلاردى تاماقتاندىرۋعا ارنالعان قاراجات كلۋب اكىمشىلىگىنىڭ جەكە قاجەتىنە جۇمسالعان»، – دەپ مالىمدەدى ۆەدومستۆودان.
تەكسەرىس قورىتىندىسى بويىنشا اسا ءىرى كولەمدە قارجى جىمقىرۋ، قىزمەتتىك وكىلەتتىگىن اسىرا پايدالانۋ جانە الاياقتىق باپتارى بويىنشا ءۇش قىلمىستىق ءىس قوزعالدى.
ماتەريالدار سىبايلاس جەمقورلىققا قارسى ءىس-قيمىل اگەنتتىگىنە جولداندى. تەرگەۋ بارىسى وبلىس پروكۋرورىنىڭ باقىلاۋىندا.
