الەمگە تانىمال ءانشى ديماش قۇدايبەرگەن الماتىعا كەلە جاتىر. بۇل تۋرالى 10 ساۋىردە ءانشى ءوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«مەنىڭ تۋعان كۇنىمە وراي، 26 مامىردا Almaty Arena ستاديونىندا «Stranger» كونتسەرتىنىڭ كينوتەاترلارعا شىعۋىنا وراي ۇيىمداستىرىلاتىن «D and Dears» اتتى فان-كەزدەسۋ وتەدى. مەنىڭ شىعارماشىلىعىما ارنالعان شوۋدى، قازاقستاندىق ارتىستەردىڭ قاتىسۋىمەن، ءارتۇرلى سۇراقتارعا جاۋاپتارىڭىزدى الىپ، جاڭا اندەردىڭ پرەمەرالارى مەن بەينەباياندارىن دا قاتار تاماشالاي الاسىزدار”، — دەپ جازدى ديماش.
ال 27 مامىردان باستاپ استانادا وتكەن «Stranger» شوۋى 5.1 كولەمدى دىبىسپەن جانە قاتىسۋ ەففەكتىسىمەن ۇلكەن ەكرانداردا ەلىمىزدە العاش رەت كينوتەاترلاردا كورسەتىلەدى.
كەلەسى اپتادان باستاپ فان-كەزدەسۋ بيلەتتەرى Ticketon سايتىنا شىعادى. كەزدەسكەنشە! سىزدەردى ەرەكشە جاقسى كورەمىن، — دەپ جازدى ءانشى.
