قازاقستاننىڭ حالىق ءارتىسى ماقپال ءجۇنىسوۆانىڭ قىزى مەرەي IELTS ەمتيحانىنان 8,5 ۇپاي الىپ، جوعارى ناتيجە كورسەتتى. بۇل تۋرالى مەرەيدىڭ ۇستازى سالتانات قۇدايبەرگەن جازدى، دەپ حابارلايدى “ادىرنا” ۇلتتىق پورتالى.
“ۇستازدان شاكىر وزار دەمەكشى، IELTS-تان 8.5 بالل الىپ، ايدى اسپاننان ءبىر-اق شىعاردى. باتىل قىز! ماقتانامىن. الدىڭعى فوتوداعى كىشكەنتاي ءتاپ-ءتاتتى قىز زامانبەك اعامىز بەن ماقپال اپايىمىزدىڭ ەركەسى مەرەيكا. كورەياداعى وقۋىن اياقتاپ، ءارى قاراي ءبىلىم شىڭىن باعىندىرماقشى”، – دەپ جازدى مۇعالىمى سالتانات قۇدايبەرگەن.
