قر پرەمەر-ءمينيسترىنىڭ تاپسىرماسىنا سايكەس، ۇلىتاۋ وبلىسىنىڭ جەزقازعان، قاراجال قالالارى جانە جاڭاارقا كەنتى مەن قىزىلجار ستانساسىنداعى ۆوكزال عيماراتتارى تولىقتاي جاڭارتىلادى.
قازىرگى تاڭدا عيماراتتاردىڭ تەحنيكالىق تەكسەرۋلەرىن جۇرگىزۋ جانە ەسكيزدىك جوبالاردى ازىرلەۋ جۇمىستارى باستالدى. بۇل شارالار اياقتالعاننان كەيىن قۇرىلىس-مونتاج جۇمىستارىن دەرەۋ باستاۋ جوسپارلانۋدا.
«قتج ۇك» اكتسيونەرلىك قوعامىنىڭ ايتۋىنشا، قايتا قۇرۋ جوباسىندا قاسبەتتەرىن جوندەۋ، ىشكى ارلەۋ، ۆوكزال عيماراتتارىن قاجەتتى بولمەلەرمەن كەڭەيتۋ جانە ولاردى زاماناۋي تالاپتارعا ساي مودەرنيزاتسيالاۋ قاراستىرىلعان.
سونىمەن قاتار، ءىرى قالالار مەن اۋداندارداعى ۆوكزالداردا جولاۋشىلاردىڭ ىڭعايلى قوزعالىسى ءۇشىن گالەرەيا مەن پەررون سالۋ جوسپارلانۋدا.
