قاراعاندى وبلىسىندا وقۋ-جاتتىعۋ بارىسىندا پوليتسيا قىزمەتكەرى ا. اليەۆ قايتىس بولدى. بۇل تۋرالى قر ىشكى ىستەر ءمينيسترى ەرجان سادەنوۆ مالىمدەدى، دەپ حابارلايدى "ادىرنا" ۇلتتىق پورتالى.
"وقۋ-جاتتىعۋ ءىس-شارالارىن وتكىزۋ كەزىندە بولعان جازاتايىم وقيعا سالدارىنان قازا تاپقان قاراعاندى وبلىسى پوليتسيا دەپارتامەنتىنىڭ قىزمەتكەرى ا. اليەۆتىڭ تۋىستارى مەن جاقىندارىنا كوڭىل ايتامىن", – دەدى مينيستر.
مينيسترلىك مارقۇمنىڭ وتباسىنا قاجەتتى قولداۋ كورسەتىلەتىنىن حابارلادى. وقيعانىڭ ءمان-جايىن انىقتاۋ ءۇشىن ءىىم ارنايى كوميسسياسى جىبەرىلگەن.
"وقيعا ورنىنا مەنىڭ ورىنباسارىمنىڭ باسشىلىعىمەن كوميسسيا جىبەرىلدى. تەرگەۋ بارىسى باقىلاۋدا", – دەدى ەرجان سادەنوۆ.
ايتا كەتەيىك، 9 كۇن بۇرىن تۇركىستان وبلىسىندا جول-پاترۋلدىك پوليتسيا ينسپەكتورى قۇقىق بۇزۋشىنى قۋ كەزىندە كوز جۇمعانىن حابارلاعان ەدىك.
