اباي اۋدانىندا «تازا قازاقستان» جالپىۇلتتىق اكتسياسى جالعاسۋدا. جاستار قورشاعان ورتانىڭ تازالىعىنا عانا ەمەس، كومەككە مۇقتاجدارعا دا نازار اۋدارادى.
اباي قالاسىنىڭ ۆولنىي كەنتىندە جانۋارلارعا ارنالعان باسپانا بار. ونى جەرگىلىكتى تۇرعىندار ۇيىمداستىرعان. باسپانانى كۇتىپ ۇستاۋعا قىزداردىڭ ءوز قاراجاتى جانە دەمەۋشىلەردىڭ تۇراقتى ەمەس كومەگى سەپتىگىن تيگىزەدى.
باسپاناسىز جانۋارلار تۋرالى بىلگەن سوڭ، AbayTeam ەرىكتىلەرى كومەككە كەلدى. ولار «جاقسىلىق جولىنداعى تازالىق» اكتسياسىن وتكىزىپ، قايتا وڭدەۋگە وتكىزىلەتىن قايتالاما شيكىزاتتى جيناۋدى ۇيىمداستىرىپ، تۇسكەن قاراجاتقا جانۋارلارعا ازىق ساتىپ الادى.
ەرىكتىلەر كورپۋسىنىڭ بەلسەندىسى ەرجان راحمەتوۆ مۇنداي اكتسيا، ونىڭ پىكىرىنشە، ءۇش ەسە ناتيجە بەرەتىنىن ايتادى. بىرىنشىدەن، قايتالاما شيكىزاتتى وتكىزەتىن ادامدار قورشاعان ورتانى تازا ەتەدى، ويتكەنى قوراپتار، گازەتتەر، پلاستيك – بۇل قوقىس. ەكىنشىدەن، قاعاز وڭدەۋ جاسىل جەلەكتەردىڭ ءومىرىن ساقتاپ قالادى، بۇل ەكولوگيانى ساقتاۋعا سەپتىگىن تيگىزەدى. ۇشىنشىدەن، اسىرەسە جىلدىڭ سۋىق مەزگىلىندە وعان وتە مۇقتاج جانۋارلارعا كومەك كورسەتۋ.
اكتسياعا وقۋشىلار بەلسەندى قاتىسۋدا. بۇل بالالاردى مەيىرىمدىلىككە تاربيەلەۋگە ىقپال ەتەدى، سونداي-اق ەكولوگيالىق مادەنيەتكە ۇيرەتەدى.
