بۇگىن ەل پرەزيدەنتىنىڭ تاپسىرماسىنا سايكەس، قىزىلوردا وبلىسىندا «تازا قازاقستان – تازا ايماق» ەكولوگيالىق اكتسياسىنا قالاداعى بارلىق مەكەمە ۇجىمدارى، ۇكىمەتتىك ەمەس ۇيىم وكىلدەرى، ۆولونتەرلار، قوعام بەلسەندىلەرى مەن جاستار جانە تۇرعىندار بەلسەندى قاتىسۋدا.
تۇرعىندار ءوز اۋلالارىن، كاسىپكەرلەر مەن ەڭبەك ۇجىمدارى اۋماقتاردى، مەردىگەرلىك ۇيىمدار باعدارشام وبەكتىلەرىن، ايالداما پاۆيلوندارىن، جول بەلگىلەرى مەن قالانىڭ كوشە-جول جەلىسىنىڭ باسقا دا ينفراقۇرىلىمىن تازالاۋ، جۋ مەن جوندەۋ جۇمىستارىن جۇرگىزەدى.
بۇعان دەيىنگى وبلىس اكىمىنىڭ باستاماسىمەن جاريالانعان ەكى ايلىق سەنبىلىكتە ەسكى ارىق كوزدەرى ارشىلىپ، نەگىزگى كانالدار تازالاندى. بۇل جۇمىستارمەن قاتار، 8 000-عا جۋىق تال كوشەتتەرى وتىرعىزىلدى.
بيىل 35 مىڭ ءتۇپ سايالى اعاش ەگۋدى جوسپارلانۋدا. ەگىلگەن جاس وسكىندەرگە ارنايى قۇرىلعان «جاسىل-قىزىلوردا» مەكەمەسى كۇتىم جاسايدى. باستى ماقسات – قالانى تازا ءارى جاسىل جەلەككە اينالدىرۋ.
سونداي-اق، قالا اۋماعىنان 2 گەكتاردى قۇرايتىن جەر ارشىلىپ،
3 تۇقىم باعى دايىندالۋدا. قازىرگى تاڭدا وسى جەرلەرگە سۋ جولدارى جۇرگىزىلىپ، 50 مىڭ ءتۇپ قالامشا وتىرعىزىلدى. ءالى 15 مىڭنان استام تال كوشەتتەرىن ەگىلەدى. قىزىلوردا-استانا باعىتىندا سالىنىپ جاتقان باستى جولدىڭ قوس قاپتالىنا دا تال كوشەتتەرى وتىرعىزىلىپ، جاسىل بەلدەۋ قالىپتاستىرىلادى.
جالپى قالادا 828 كوشە بار. ونىڭ 164 كوشەسى جارىقتاندىرىلعان. وسى جىلى قوسىمشا 54 كوشەگە جارىقتاندىرۋ جۇمىستارى جۇرگىزىلۋدە. ولاردى كۇتىپ-ۇستاۋ جەرىلىكتى بيۋدجەت ارقىلى جۇزەگە اسىرىلۋدا.
قالا بويىنشا 254 ايالداما بار. بيىلعى جىلى جاڭادان 10 ايالداما ورناتىلادى. بۇل ايالدامالارعا جەڭىمپاز مەردىگەر مەكەمە كۇندەلىكتى جۋىپ، تازالىق شارالارىن جۇرگىزەدى.
وبلىس ورتالىعىنداعى 52 سكۆەر-اللەيا ەرەكشە كۇتىمدە. بۇل ورىندارعا جەڭىمپاز مەكەمە تاراپىنان تازالىق، ارلەۋ-سىرلاۋ جۇمىستارى جۇرگىزىلۋدە.
قالا كولەمىندە اياق سۋ جۇرەتىن نەگىزگى 12 كانال بار. ودان بولەك، قالاىشىلىك ارىق جۇيەلەرى قالىپتاسقان. بۇل كانالدار مەن ارىقتاردى ارشۋ، تازالاۋ جۇمىستارىنا جاڭادان قۇرىلعان «جاسىل قىزىلوردا» مەكەمەسى جاۋاپتى. سونىمەن قاتار، دارياعا ورناتىلعان 8 ناسوس قوندىرعىسى مەن
33 جەر استى سۋ ۇڭعىمالارى ارقىلى قالاعا اياق سۋ بەرىلۋدە.
وتكەن جىلى وبلىس اكىمىنىڭ ۇيلەستىرۋىمەن، دەمەۋشىلەردىڭ قولداۋىمەن كوپقاباتتى 26 ءۇيدىڭ قاسبەتتەرى پانەلدى قاپتامالارمەن قاپتالدى. بيىل وبلىستىق بيۋدجەتتەن بولىنگەن قاراجاتقا كوپقاباتتى 32 ءۇيدىڭ قاسبەتتەرى قاپتالىپ، جاڭالانۋدا.
بۇدان بولەك، بىلتىر وبلىستىق بيۋدجەت ارقىلى جانە دەمەۋشىلەردىڭ ەسەبىنەن كوپقاباتتى 18 تۇرعىن ءۇيدىڭ اۋلاسى اباتتاندىرىلدى. بيىلعى جىلى جالپى سانى 48 كوپقاباتتى تۇرعىن ءۇيدىڭ اۋلاسى جاڭعىرتىلادى.
