اقتوبە وبلىسىندا ءىرى قارادان «قاراسان» اۋرۋى تابىلدى، دەپ حابارلايدى “ادىرنا” ۇلتتىق پورتالى “استانا” تەلەارناسىنا سىلتەپ.
مالىمەت بويىنشا، وسىعان بايلانىستى ويىل اۋدانىنىڭ كوپتوعاي اۋىلىندا كارانتين جاريالاندى. شارۋا قوجالىعىندا ءتورت ءىرى قارادان وسى قاۋىپتى اۋرۋ تابىلعان. بۇل جۇقپالى دەرت كوبىنە ءتورت جاسقا دەيىنگى جاس مالدىڭ شالدىعادى ەكەن.
سيىرلاردىڭ سانى قارايىپ كەتكەن. سىناما الىنىپ، ارنايى زەرتحانالىق تەكسەرىستەن كەيىن جۇقپالى "قاراسان" اۋرۋى ەكەنىن انىقتاعان. قازىرگى تاڭدا ەكى جۇزدەن استام مالعا ۆاكتسينا سالىنىپ، دەزينفەكتسيا جۇرگىزىلگەن.
ء“ىرى قارانىڭ قاراسان اۋرۋى راستالدى. بۇگىنگى كۇنگە «ءماتجان» شارۋا قوجالىعىنا كوپتوعاي اۋىلدىق وكرۋگى اكىمىنىڭ شەشىمىمەن كارانتين جاريالاندى. بۇگىنگى كۇنگە ەمفيزەماتورياعا قارسى وترياد مەملەكەتتىك مەكەمەسى ساۋىقتىرۋ شارالارىن جۇرگىزۋدە”، دەيدى وبلىستىق ۆەتەرينارلىق باسقارماسى باسشىسىنىڭ ورىنباسارى بەردىمۇرات بيجانوۆ.
