اقتوبە وبلىسىنىڭ اكىمى ەرالى لۇقپانۇلى توعجانوۆ قوبدا اۋدانىنىڭ الەۋمەتتىك-ەكونوميكالىق دامۋىمەن تانىستى، دەپ حابارلايدى “ادىرنا” ۇلتتىق پورتالى.
ءوڭىر باسشىسىنىڭ جۇمىس ساپارى قوبدا اۋىلىنداعى اۋداندىق ورتالىق اۋرۋحانا مەن ەلەۆاتوردى قاراۋدان باستالدى. ەكى نىسان دا شتاتتىق تارتىپتە جۇمىس جاسايدى. اۋرۋحانا حالىق سانىنا سايكەس بارلىق قاجەتتى جابدىقتارمەن جاراقتانعان. مۇنداعى ەكى ماسەلە – شالعاي اۋىلدارداعى مەديتسينالىق پۋنكت پەن بەلگىلى ءبىر سالا ماماندارىنىڭ جەتىسپەۋشىلىگى، ياعني كارديولوگ، وكۋليست، ونكولوگ جانە وتولارينگولوگ دارىگەرلەرى جوقتىڭ قاسى.
وبلىس اكىمى دەنساۋلىق ساقتاۋ سالاسىن دامىتۋعا ءجىتى نازار اۋدارىلاتىنىن اتاپ ءوتتى. مەديتسينالىق مەكەمەلەر جەلىسىن كەڭەيتۋ مەن مەديتسينا كادرلارىنىڭ تاپشىلىعىن جويۋدىڭ جۇيەلىك سۇراقتارى كەزەڭ بويىنشا شەشىلەتىن بولادى.
اۋدان اكىمى بولات قۇلوۆ ءىستىڭ اعىمداعى جاعدايى جايىندا باياندادى. وسى جىلدىڭ سەگىز ايىنىڭ قورىتىندىسى بويىنشا ونەركاسىپ ءوندىرىسى مەن بولشەك ساۋدا كولەمى تومەندەگەن. الەۋمەتتىك-ەكونوميكالىق دامۋدىڭ باسقا كورسەتكىشتەرى بويىنشا وڭ ديناميكا تىركەلدى. وسىلايشا، نەگىزگى كاپيتالعا 4,7 ملرد. تەڭگەدەن اسا ينۆەستيتسيا تارتىلىپ، 19,4 ملرد. تەڭگەگە اۋىل شارۋاشىلىعى ءونىمى ءوندىرىلدى. 1,6 مىڭنان اسا جاڭا جۇمىس ورىندارى اشىلدى.
بەگالى اۋىلدىق وكرۋگىنە قاراستى بەسقۇدىق اۋىلىندا بيىلعى جازدا قازاقستان دەپ اتالاتىن ورتالىق كوشەسىندەگى ۇزىندىعى 1,5 شاقىرىمدىق جولدىڭ جوندەۋ جۇمىستارى اياقتالىپ، سول جەرگە جارىق قوندىرىلدى جانە جاياۋ جۇرگىنشىلەر جولى توسەلۋدە.
ءوڭىر باسشىسى جۇمىستى ۋاقىتىندا تاپسىرىپ، ساپانىڭ ستاندارتتارعا ساي كەلۋىن قامتاماسىز ەتىپ قانا قويماي، جوباعا ءوزىنىڭ دە قارجىسىن سالعان «سۇڭقار اقتوبە 2005» جشس مەردىگەر مەكەمەسىنىڭ جۇمىسىنا جوعارى باعا بەردى.
قوبدا اۋدانى دا وبلىستىڭ وزگە اۋداندارى سەكىلدى 2023 جىلى اۋىل تۇرعىندارىنىڭ تابىسىن كوتەرەتىن «اۋىل اماناتى» پيلوتتىق جوباسىن جۇزەگە اسىرۋعا دايىندالىپ جاتىر. سكرينينگتىڭ الدىن الا ناتيجەلەرىنە سايكەس، وعان اۋداننىڭ 858 تۇرعىنى اتسالىسادى. بەسقۇدىق اۋىلى جوبامەن قامتىلاتىن ەلدى مەكەندەر قاتارىنا ەندى. اۋىلدا بارلىعى 962 ادام تۇرسا، ونىڭ ىشىندە 521 ادام ەكونوميكالىق جاعىنان بەلسەندى تۇرعىندار قاتارىنا جاتادى. ولاردىڭ 257-ءسى جۇمىسقا ورنالاسقان، ال 264-ءى ءوز-ءوزىن جۇمىسپەن قامتىپ وتىر. بۇگىندە اۋىلدىڭ 106 تۇرعىنى مال شارۋاشىلىعىن دامىتۋ، جىلىجاي سالۋ، اشىق دالادا كوكونىستەر مەن باقشا داقىلدارىن ءوسىرۋ ماقساتىندا جەڭىلدەتىلگەن نەسيە الۋ ءۇشىن «اۋىل اماناتى» جوباسىنا قاتىسۋعا نيەت بىلدىرگەن.
جوبانىڭ اۋىلدى دامىتىپ، اۋىل تۇرعىندارىنىڭ ءال-اۋقاتىن كوتەرۋدەگى ماڭىزدىلىعىن اتاپ وتكەن ءوڭىر باسشىسى اۋدان مەن اۋىلدىق وكرۋگتەردىڭ اكىمدەرىنە جوبا قاتىسۋشىلارىنا بارىنشا قولداۋ كورسەتۋدى تاپسىردى.
«ءبىر كووپەراتيۆتە از دەگەندە مىڭ ادام بولۋ كەرەك، بۇل ولارعا قولايلى شارتتارمەن تەحنيكا ساتىپ الۋعا مۇمكىندىك بەرەدى. ونىمدەردى وڭدەۋدى جولعا قويۋ كەرەك. ماسەلەن، شۇجىق تسەحىن اشۋعا بولادى، شۇجىق تسەحى بولعان جەردە مىندەتتى تۇردە مال سوياتىن تسەح تا بولادى. وسىلايشا كووپەراتيۆ جۇمىسىنا كوپ ادام تارتىلىپ، ەكونوميكالىق جاعىنان ءتيىمدى بولادى. ءسۇت وڭدەۋدىڭ دە كەلەشەگى بار. اكىمدەردىڭ مىندەتى – وسى ماسەلەنىڭ ءبارىن باقىلاۋدا ۇستاپ، سۋ كەرەك بولسا ۇڭعىمانى بۇرعىلاۋدى ۇيىمداستىرۋعا، ارتىق ءونىمدى ساتۋعا كومەكتەسۋلەرى ءتيىس. جاقسى جۇمىس ىستەيتىندەردى ىنتالاندىرۋ كەرەك. مىسالى، كەمىندە ءبىر گەكتار قوسىمشا جەر بەرسە»،-دەيدى ە.توعجانوۆ.
بەسقۇدىق اۋىلىنىڭ تۇرعىندارى وبلىس اكىمىمەن تىلدەسۋ مۇمكىندىگىن جىبەرگەن جوق. ولاردىڭ ىشىندە، جاس فۋتبوليستەر ۆوركاۋت الاڭىن ورناتۋدى سۇرادى. قۇزىرلى ورگان وكىلدەرىنە بالالاردىڭ ارمانىن ورىنداۋ تاپسىرىلدى.
جىل باسىنان بەرى قوبدا اۋدانىندا ءىرى قارا مەن ۇساق مال باسى 25 پايىزعا ارتقان. مەملەكەتتىك قولداۋ شارالارىنىڭ ارقاسىندا كەلەر جىلى قۇنى 2,2 ميلليارد تەڭگەگە 1600 باس ءىرى قارا مالعا ارنالعان ەت باعىتىنداعى رەپرودۋكتور مەن ءسۇت-تاۋارلى فەرماسىنىڭ قۇرىلىسى باستالادى. ءوڭىر باسشىسى اۋدان باسشىلىعىنا جوباعا قولداۋ كورسەتۋدى تاپسىردى.
سونداي-اق، وبلىس اكىمى "BS Agro" شارۋا قوجالىعىنىڭ كۇزگى دالا جۇمىستارىنىڭ بارىسىمەن تانىسىپ، اۋدانداعى مال وسىرۋشىلەرمەن جانە ءىرى شارۋا قوجالىقتارىنىڭ باسشىلارىمەن كەزدەستى. شارۋالار قوسىمشا جەر بەرۋدى سۇرادى. ە.توعجانوۆ وبلىستا پايدالانىلماعان جانە ماقساتسىز پايدالانىلعان اۋىل شارۋاشىلىعى جەرلەرىن قايتارۋ بويىنشا اۋقىمدى جۇمىستار اتقارىلىپ جاتقانىن ايتتى.
ءوڭىر باسشىسى: «بۇل جەرلەر ادال ەڭبەك ەتەتىن شارۋاشىلىقتارعا بەرىلەدى»،-دەپ اتاپ ءوتتى.
ول سونداي-اق، شارۋالاردى اۋىلداردى دامىتۋعا ۇلەستەرىن قوسىپ، اۋدان تۇرعىندارىنا قولداۋ كورسەتۋگە شاقىردى.
«اۋىلدا تۇراتىن ازاماتتارعا كومەكتەسۋىمىز كەرەك، جاعداي جاساۋ كەرەك»، - دەدى ە. توعجانوۆ.
