بۇرىنعى اقتاۋ اكىمىنىڭ ورىنباسارىن ۇستاپ بەرگەن ادامعا سىياقى تاعايىندالادى

بۇرىنعى اقتاۋ اكىمىنىڭ ورىنباسارى تيمۋر سادۋاقاسوۆقا ىزدەۋ جاريالانىپ، ونىڭ ورنالاسقان جەرى تۋرالى اقپارات بەرگەندەرگە سىياقى تاعايىندالادى. بۇل تۋرالى قارجى مونيتورينگى اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.

"ىزدەستىرىلىپ جاتقان ازاماتتىڭ قايدا ەكەنى تۋرالى قانداي دا ءبىر اقپارات بىلسەڭىز، سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتىنە حابارلاسۋىڭىزدى سۇرايمىز. تەلەفوندار: +7(7152)46-98-18 (كەزەكشى ءبولىم), Call-center: 1458. اقپارات بەرۋشىلەرگە سىياقى جانە انونيمدىلىك كەپىلدەندىرىلگەن", – دەپ مالىمدەدى قارجى مونيتورينگى اگەنتتىگى.

اقپاراتقا سايكەس، تيمۋر سادۋاقاسوۆ الاياقتىق جانە اسا ءىرى كولەمدە پارا بەرۋگە يتەرمەلەۋ بويىنشا كۇدىككە ىلىنگەن. ول "MonolitTas" جشس ديرەكتورى بولعان كەزدە قىلمىستىق ءىس قوزعاۋ ماسەلەسىن وڭ شەشۋ ماقساتىندا لاۋازىمدى تۇلعالارعا پارا بەرۋگە تىرىسقان.

"Tioline" جشس-ءىن باسقارعان كەزىندە دولگالەۆ پەن باسقا قۇرىلتايشىلار

اراسىندا وبۋحوۆسكوە كەن ورنىنداعى ۇلەستى انىقتاۋ جانە ودان تۇسكەن تابىستى ءبولۋ ماسەلەلەرىنە قاتىستى كەلىسپەۋشىلىكتەر بولعان. بۇل داۋلار سوت ارقىلى شەشىلگەن. الايدا دولگالەۆ سادۋاقاسوۆ ارقىلى قۇقىق قورعاۋ ورگاندارىنىڭ لاۋازىمدى تۇلعالارىن ساتىپ الىپ، كەيبىر قۇرىلتايشىلارعا قارسى قىلمىستىق ءىس قوزعاۋعا تىرىسقان. بۇل ارقىلى ول سەرىكتەستەرىنە قىسىم جاساپ، ولاردىڭ زاڭدى تالاپتارىنان باس تارتۋىن كوزدەگەن", – دەلىنگەن حابارلامادا.

بۇعان دەيىن سولتۇستىك قازاقستان وبلىسى بويىنشا قارجى مونيتورينگى اگەنتتىگى "Tioline" جشس-ءنىڭ وبۋحوۆسكوە كەن ورنىندا زاڭسىز پايدالى قازبالاردى ءوندىرۋ ءىسىن تەرگەپ، تەرگەۋدى اياقتاعان بولاتىن. قازىر بۇل ءىس سوتتا قارالۋدا.

تيمۋر سادۋاقاسوۆقا قاتىستى العاشىندا اقتاۋ ۇكىمى شىققان، الايدا كەيىن بۇل شەشىمنىڭ كۇشى جويىلعاننان كەيىن ول جاسىرىنعان.