وزبەكستاننان قازاقستانعا جۇمىس ىزدەپ كەلگەن ەڭبەك ميگرانتتارىنىڭ سانى ارتۋدا، دەپ حابارلايدى "ادىرنا" ۇلتتىق پورتالى Gazeta.uz باسىلىمىنا سىلتەمە جاساپ.
2024 جىلدىڭ باسىندا قازاقستاندا 196,8 مىڭ وزبەكستان ازاماتى جۇمىس ىستەسە، 2025 جىلدىڭ باسىندا ولاردىڭ سانى 322,7 مىڭعا جەتكەن.
اگەنتتىك مالىمەتتەرى بويىنشا، وزبەكستاننىڭ ميگرانتتارى رەسەيدە جۇمىس ىستەۋگە قىزىعۋشىلىق تانىتپاي قالعان. 2024 جىلدىڭ باسىندا رەسەيدە ەڭبەك ميگرانتتارىنىڭ سانى 1,2 ميلليوننان 698 مىڭعا دەيىن ازايعان. دەگەنمەن، رەسەي ءالى دە وزبەكستاننان كەلگەن ميگرانتتار سانى بويىنشا كوش باسىندا تۇر. قازاقستاننان كەيىن تۇركيا. بىراق ونداعى كورسەتكىشتەر 119,8 مىڭنان 88,7 مىڭعا دەيىن تومەندەگەن.
قازىر شەتەلدە 1,35 ميلليون وزبەكستاندىق جۇمىس ىستەپ ءجۇر. بۇل وتكەن جىلدىڭ وسى كەزەڭىمەن سالىستىرعاندا 34 پايىزعا از.
ميگرانتتاردىڭ ءوز ەلدەرىنە ورالۋ تەندەنتسياسى دا بايقالۋدا. 2024 جىلدىڭ قازان ايىنا دەيىن وزبەكستانعا 115 مىڭ ەڭبەك ميگرانتى قايتىپ ورالعان. جىل سوڭىنا دەيىن تاعى 250-300 مىڭ ادام ەلگە ورالادى دەپ كۇتىلۋدە.
2024 جىلى ۇيىمداسقان تۇردە شەتەلدە جۇمىسقا 161,8 مىڭ وزبەكستاندىق جىبەرىلگەن. بۇل 2022 جىلعى كورسەتكىشتەن 4 ەسە ارتىق. سونىمەن قاتار، ۇيىمداسقان جۇمىسقا قابىلداۋ گەوگرافياسى كەڭەيىپ، حورۆاتيا، بەلگيا، سلوۆاكيا، سەربيا، چەرنوگوريا مەن قاتار ەلدەرىندە 10 مىڭعا جۋىق ادام جۇمىسقا ورنالاسقان.
وزبەكستاندا 2024 جىلى 122 جۇمىس بەرۋشىمەن 36 ەلدە كەلىسىمدەر جاسالىپ، 62,3 مىڭ ازامات كاسىبي دايارلىق پەن ءتىل ۇيرەنۋگە قاتىسقان.
