بۇگىن وبلىس اكىمى نۇرلىبەك نالىباەۆ قىزىلوردا قالاسىنداعى 600 ورىندىق مەكتەپتىڭ اشىلۋ راسىمىنە قاتىستى. ءبىلىم وشاعى «جايلى مەكتەپ» ۇلتتىق جوباسىمەن سالىنعان.
وعان وبلىستىق ءماسليحات توراعاسى مۇرات تىلەۋىمبەتوۆ، ارداگەرلەر كەڭەسىنىڭ توراعاسى سەرىك دۇيسەنباەۆ، قوعامدىق كەڭەس توراعاسى ءارىپ حوجبانوۆ، زيالى قاۋىم وكىلدەرى مەن جاۋاپتى سالا باسشىلارى جانە قالا تۇرعىندارى قاتىستى.
ايماق باسشىسى جينالعان جۇرتشىلىقتى ەڭسەلى دە ساۋلەتتى مەكتەپتىڭ اشىلۋىمەن قۇتتىقتاپ، ىزگى تىلەگىن جەتكىزدى.
«پرەزيدەنتىمىز «ورتا ءبىلىمنىڭ ساپاسى – تابىستى ۇلت بولۋدىڭ تاعى ءبىر ماڭىزدى شارتى. ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس. سول ءۇشىن «جايلى مەكتەپ» ۇلتتىق جوباسى قولعا الىندى» دەگەن بولاتىن.
جاڭا مەكتەپتەردىڭ اشىلۋى – بۇل جاي عاناعيماراتتاردىڭ سالىنۋى ەمەس، جاڭا داۋىردە ءبىلىم الاتىن وقۋشىلارعا جاڭا مۇمكىندىكتەر سىيلاۋ. مەملەكەت باسشىسىنىڭ باستاماسىمەن جۇزەگە اسقان «جايلى مەكتەپ» ۇلتتىق جوباسى اياسىندا وڭىردە 6 900 ورىنعا ارنالعان 10 مەكتەپ سالۋ جوسپارلانىپ، ونىڭ العاشقى 900 وقۋشىعا ارنالعان مەكتەبىن وتكەن جىلدىڭقازان ايىندا سول جاعالاۋدان تابىستادىق.وسى ايدىڭ باسىندا جاڭاقورعان اۋدانىنىڭ جاڭارىق اۋىلىندا جانە ارال قالاسىندا 300 ورىندىق 2 جايلى مەكتەپ اشىلدى. بۇل ارقىلى جاڭارىق اۋىلىنداعى بەيىمدەلگەن عيماراتتا ورنالاسقان، ارال قالاسىنداعى ءۇش اۋىسىمدى وقىتۋعا كوشۋى مۇمكىن مەكتەپتەردەگى ورىن تاپشىلىعى ماسەلەسى شەشىمىن تاپتى.
بۇگىن مىنە، «سامۇرىق-قازىنا» اكتسيونەرلىك قوعامىنىڭ ۇيلەستىرۋىمەن جۇزەگە اسقان، قۇنى 4 ملرد 732 ملن تەڭگە بولاتىن 600 ورىندىق «جايلى مەكتەپتى» شاكىرتتەر مەن ۇستازداريگىلىگىنە بەرەمىز. جاڭا نىساندى سالۋ ارقىلىبەيىمدەلگەن عيماراتتا ورنالاسقان ءابۋ قۇداباەۆ اتىنداعى №197 ورتا مەكتەپتىڭ ماسەلەسىن شەشتىك. قۇرىلىس باستالعالى بەرى بالالارىمىزعا قالا ىشىندەگى باسقا مەكتەپتە وقۋىنا تۋرا كەلدى. ۇرپاق يگىلىگىنە باعىتتالعانورتاق ىستە تۇسىنىستىك تانىتقان بارشا اتا-انالارعا العىسىمىزدى بىلدىرەمىز. جاسامپاز ىستەردىڭ جارشىسى بولاتىن جەتكىنشەكتەرىمىزەندى قولايلى ءارى قاۋىپسىز، زاماناۋي جابدىقتالعان، كەڭ دە جايلى مەكتەپتە ءبىلىم الاتىن بولادى. بۇگىن تابىستالعان جاڭا ءبىلىم عيماراتىنان الدىڭعى بۋىننىڭ ىزگى جولىن جالعاعان ءبىلىمدى، تالانتتى شاكىرتتەر شىعاتىنىنا سەنىمىمىز مول. ساناسى سەرگەك، ويى ۇشقىر، باسەكەگە قابىلەتتى وقۋشىلارىمىز كوپ بولعاي»، – دەدى ايماق باسشىسى.
سالتاناتتى ءىس- شارادا ءبىلىم سالاسىنىڭ ارداگەرى، قر ءبىلىم بەرۋ ءىسىنىڭ ۇزدىگى، قىزىلوردا قالاسىنىڭ قۇرمەتتى ازاماتى التىنسارى شۇرەنوۆ جيىلعان جۇرتشىلىقتى قۇتتىقتادى. ەڭبەك ارداگەرى، قىزىلوردا وبلىسىنىڭ قۇرمەتتى ازاماتى، قازاقستان رەسپۋبليكاسىنىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى قورعانبەك قايروللاۇلى باتاسىن بەردى. سونداي-اق، ايماقتىڭ الەۋمەتتىك-ەكونوميكالىق دامۋىنا ۇلەس قوسقان ازاماتتار مەن قۇرىلىس مەكەمەسىنىڭ ماماندارى ماراپاتتالدى.
ايتا كەتەيىك، 2024 جىلى ءبىلىم سالاسىنا بولىنگەن قارجى 264 ملرد تەڭگەگە، الدىڭعى جىلمەن سالىستىرعاندا 9,3 پايىزعا ۇلعايدى. سالانىڭ بيىلعى بيۋدجەتى 308 ملرد 134 ملن تەڭگە، بۇل وتكەن جىلمەن سالىستىرعاندا 16,9 پايىزعا ارتتىق.
بىلتىر ايماقتا 6 مەكتەپ، 5 مەكتەپكە قوسىمشا عيمارات سالىنىپ، ىسكە قوسىلدى.ناتيجەسىندە ارال اۋدانى توقاباي اۋىلىنداعى №248, شيەلى كەنتىندەگى №252 جانە جانسەيىت اۋىلىنداعى №133 اپاتتى مەكتەپتەردىڭ ماسەلەسى شەشىلدى.
«قازگەرمۇناي» كومپانياسىنىڭ دەمەۋشىلىگىمەن قىزىلوردا قالاسىندا زاماناۋي ۇلگىدەگى «وقۋشىلار سارايى»،جاڭاقورعان اۋدانىندا «وقۋشىلار ءۇيى» مەن «ونەر مەكتەبى» ەل يگىلىگىنە تابىستالدى.
بالالار مەن جاسوسپىرىمدەردىڭ شىعارماشىلىعىن شىڭداۋ ماقساتىندا وبلىس ورتالىعىنان «شىعارماشىلىق اكادەمياسى»،دارىندى بالالارعا ارنالعان فيزيكا-ماتەماتيكا مەكتەپ-ينتەرناتى، «ساۋتس ويل» كومپانياسىنىڭ دەمەۋشىلىگىمەن مۋزىكالىق كوللەدجدىڭ جاڭا عيماراتى بوي كوتەرۋدە. جىل ىشىندە شيەلى اۋدانىندا دا «وقۋشىلار ءۇيى»مەن «ونەر مەكتەبى» جۇمىسىن باستايدى.
بيىل «ءبىلىم بەرۋ ينفراقۇرىلىمىن قولداۋ قورى» ەسەبىنەن ارال اۋدانىنىڭ جالاڭاش اۋىلىنان 150 ورىندىق مەكتەپ سالىنادى.بىلتىر 8 مەكتەپ عيماراتىنا كۇردەلى جوندەۋ جۇرگىزىلدى. مەملەكەت باسشىسىنىڭ 1300 مەكتەپتى كۇردەلى جوندەۋ تاپسىرماسىنا سايكەس 3 جىل ىشىندە وبلىستاعى 51 مەكتەپ، بيىل سونىڭ 9-ى كۇردەلى جوندەۋدەن وتەدى.
