بۇگىن الماتى – وسكەمەن اۆتوجولىندا اسكەري تەحنيكانىڭ قاتىسۋىمەن جول-كولىك وقيعاسى بولدى، دەپ حابارلايدى "ادىرنا" ۇلتتىق پورتالى "قازاۆتوجول" اق ءباسپاسوز قىزمەتىنە سىلتەمە جاساپ.
مامانداردىڭ مالىمەتىنشە، وقيعا 15 قاڭتاردا 13:40 شاماسىندا تىركەلگەن.
الماتى – وسكەمەن اۆتوجولىنىڭ 56-شى كيلومەترىندە، زارەچنىي ەلدى مەكەنىنىڭ ماڭىندا، كوپىردەن ءتۇسىپ كەلە جاتقان كەزدە Jiefang ماركالى ترالىنان ەكى مت-لب اسكەري تەحنيكاسى (جەڭىل قورعانىسىمەن كوپ فۋنكتسيالى تارتقىش) ءتۇسىپ كەتكەن. ناتيجەسىندە تەحنيكا جول جيەگىنە قۇلاپ، Ssang Yong Actyon ماركالى جەڭىل كولىگىمەن سوقتىعىسقان.
زارداپ شەككەندەر مەن قازا تاپقاندار جوق.
وبلىستىق پوليتسيا دەپارتامەنتىنىڭ ءباسپاسوز قىزمەتى وسى وقيعا بويىنشا تەكسەرۋ جۇرگىزىلىپ جاتقانىن مالىمدەدى.
