Бүгін Алматы – Өскемен автожолында әскери техниканың қатысуымен жол-көлік оқиғасы болды, деп хабарлайды "Адырна" ұлттық порталы "ҚазАвтоЖол" АҚ баспасөз қызметіне сілтеме жасап.
Мамандардың мәліметінше, оқиға 15 қаңтарда 13:40 шамасында тіркелген.
Алматы – Өскемен автожолының 56-шы километрінде, Заречный елді мекенінің маңында, көпірден түсіп келе жатқан кезде Jiefang маркалы тралынан екі МТ-ЛБ әскери техникасы (жеңіл қорғанысымен көп функциялы тартқыш) түсіп кеткен. Нәтижесінде техника жол жиегіне құлап, Ssang Yong Actyon маркалы жеңіл көлігімен соқтығысқан.
Зардап шеккендер мен қаза тапқандар жоқ.
Облыстық полиция департаментінің баспасөз қызметі осы оқиға бойынша тексеру жүргізіліп жатқанын мәлімдеді.
