28 اقپان مەن 2 ناۋرىز ارالىعىندا الماتىدا «شىمبۇلاق» تاۋ شيپاجايىندا فريستايل-موگۋل جانە فريستايل اكروباتيكادان الەم كۋبوگىنىڭ وتەدى. بۇل تۋرالى جاسوسپىرىمدەر اراسىنداعى الەم چەمپيوناتىنا ارنالعان ءباسپاسوز ءماسليحاتىندا «شىمبۇلاق» تاۋ شاڭعىسى كۋرورتىنىڭ ديرەكتورى رينات ءابدىراحمانوۆ ايتتى، دەپ حابارلايدى ”ادىرنا” ۇلتتىق پورتالى.
اقپاراتقا سايكەس، بۇل جارىستارعا جازدان بەرى دايىندىق ءجۇرىپ جاتىر.
“جاسوسپىرىمدەر اراسىنداعى الەم چەمپيوناتى قازاقستاندا عانا ەمەس، ورتالىق ازيادا العاش رەت ءوتىپ جاتىر. ۋاقىت تىعىزدىعىنان قيىنشىلىقتار بولدى. اكروباتيكا مەن موگۋلدارعا ارنالعان ترەكتەردى دايىنداۋ ءۇشىن جازعى جۇمىستاردى مۇقيات جۇرگىزدىك. بۇل جۇمىستاردى ارىپتەستەرىمىز جوعارى باعالادى. وعان ءبىزدىڭ ماماندار عانا ەمەس، شەتەلدىك، اتاپ ايتقاندا اندوررادان كەڭەسشىلەر دە تارتىلدى. ولار بىزگە ۇيىمداستىرۋ ماسەلەسىندە كومەكتەستى»، – دەيدى رينات ءابدىراحمانوۆ.
ەسكە سالا كەتەيىك، 2018-2019 ماۋسىمىندا الماتىدا العاش رەت فريستايل-موگۋلدان الەم چەمپيوناتى ءوتتى. ودان كەيىن قازاقستان قۇراماسىنىڭ كوشباسشىسى يۋليا گالىشەۆا التىننان القا تاعىنعان بولاتىن.
