اقش پرەزيدەنتى دجو بايدەن اكىمشىلىگى وسى اپتادا رەسەي ەكونوميكاسىنا قارسى جاڭا سانكتسيالاردى ەنگىزۋدى جوسپارلاپ وتىر، دەپ حابارلايدى “ادىرنا” ۇلتتىق پورتالى.
ۋكرايناعا 500 ميلليون دوللار كولەمىندە اسكەري كومەك كورسەتۋ تۋرالى شەشىم قابىلدانعان. Reuters اگەنتتىگىنىڭ حابارلاۋىنشا، بۇل پاكەتكە اۋە قورعانىسى زىمىراندارى، اۆياتسيالىق وق-دارىلەر جانە F-16 جاۋىنگەرلىك جابدىقتارى كىرەدى.
بايدەننىڭ كەڭەسشىلەرى ۋكراينا مايدان دالاسىنداعى پوزيتسياسىن نىعايتقان جاعدايدا، رەسەيمەن كەلىسسوزدەر جۇرگىزۋدە ءتيىمدى شارتتارعا قول جەتكىزە الاتىنىنا سەنەدى. بۇعان قوسا، اقش قىتاي مەن سولتۇستىك كورەيانىڭ رەسەيگە ىقتيمال قولداۋىن زەرتتەپ، ولاردىڭ رولىنە قاتىستى سانكتسيالاردى تالقىلاۋدا.
اقش قارجى ءمينيسترى دجانەت يەللەننىڭ مالىمدەۋىنشە، ۆاشينگتون رەسەيدىڭ مۇناي ەكسپورتىنان تۇسەتىن تابىسىن ازايتۋ جانە شەتەلدىك رەسۋرستارعا قول جەتكىزۋىن شەكتەۋ جۇمىستارىن جالعاستىرادى.
ەستەرىڭىزگە سالا كەتەيىك، بۇعان دەيىن اقش-تىڭ ەكس-پرەزيدەنتى دونالد ترامپ دجو بايدەندى ەل تاريحىنداعى ەڭ ناشار پرەزيدەنت دەپ سىنعا العان بولاتىن. ال دەموكراتتار اتىنان وتكەن سايلاۋعا قاتىسقان كامالا حارريس جەڭىسكە جەتە المادى.
