مالىمەت بويىنشا، جەدەلحاتتا سيتسزان اۆتونوميالىق اۋدانىنىڭ شيگاتسزە قالاسىندا بولعان جويقىن جەر سىلكىنىسى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزدى.
سونىمەن قاتار پرەزيدەنت قازاقستان حالقىنىڭ جانە ءوزىنىڭ اتىنان قحر توراعاسى سي تسزينپين مەن جاقىندارىنان ايىرىلعان وتباسىلارعا، سونداي-اق دوستاس قىتاي حالقىنا كوڭىل ايتىپ، اپاتتا جارالانعانداردىڭ تەز ارادا ساۋىعىپ، وتباسىلارىنا ورالۋىنا تىلەكتەستىك ءبىلدىردى.
ايتا كەتەيىك، شيگاتسزە قالاسىنىڭ ماڭىندا جەر سىلكىنىسى 2025 جىلعى 7 قاڭتاردا جەرگىلىكتى ۋاقىت بويىنشا ساعات 09:05-تە (استانا ۋاقىتى بويىنشا 06:05) تىركەلگەن. كۋاگەرلەردىڭ ايتۋىنشا، كۇشتى جەر استى دۇمپۋلەرى بيحار، اسسام جانە باتىس بەنگاليادا سەزىلگەن. تۇرعىندار ۇرەيلەنىپ ۇيلەرىنەن جۇگىرىپ شىققان. جەر سىلكىنىسىنەن كەم دەگەندە 32 ادام قازا تاۋىپ، تاعى 38 ادام زارداپ شەككەن. قىتاي توراعاسى سي تسزينپين كەڭ اۋقىمدى قۇتقارۋ جۇمىستارىن باستاۋ تۋرالى تاپسىرما بەردى.
اقش گەولوگيالىق قىزمەتىنىڭ مالىمەتىنشە، جەر سىلكىنىسىنىڭ كۇشى 7,1 بالل بولعان. قىتايدىڭ سەيسميكالىق ورتالىعى ونىڭ كۇشىن 6,8 بالل دەپ بولجاپ وتىر.
