اباي وبلىسىندا ەرتىس وزەنىنىنىڭ جاعاسىنداعى جارىس كەزىندە جاردان اۆتوكولىك قۇلاپ كەتكەن. بۇل تۋرالى ءوڭىردىڭ پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى "ادىرنا" ۇلتتىق پورتالى.
الدىن الا مالىمەت بويىنشا، كولىكتىڭ ىشىندە ءتورت ادام بولعان.
"بۇگىن تاڭعى ساعات 06:00-دە پولكوۆنيچي ارالىندا، بۇركىت ۇياسى اۋدانى ماڭىندا جەڭىل اۆتوكولىكتىڭ جاردان ەرتىس وزەنىنە قۇلاپ كەتكەنى تۋرالى حابار ءتۇستى. الدىن الا انىقتالعان مالىمەتكە سايكەس، كولىكتىڭ ىشىندە ءتورت ادام بولعان", – دەپ حابارلادى پوليتسيا قىزمەتكەرلەرى.
وقيعا ورنىنان سەمەي قالالىق پوليتسيا باسقارماسى باسشىسىنىڭ ورىنباسارى جانداربەك احمەتجانوۆ اقپارات بەردى. ونىڭ ايتۋىنشا، قازىرگى ۋاقىتتا ىزدەستىرۋ-قۇتقارۋ جۇمىستارى جۇرگىزىلىپ، وقيعانىڭ ءمان-جايى انىقتالىپ جاتىر.
پوليتسيا قاۋىپتى جارىستاردى وتكىزۋگە بولمايتىنىن ەسكە سالدى.
