مەملەكەتتىك كەڭەسشى ەرلان قارين پرەزيدەنت قاسىم-جومارت توقاەۆتىڭ «Ana tili» گازەتىنە بەرگەن سۇحباتىنا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
“مەملەكەت باسشىسى «Ana tili» گازەتىنە بەرگەن سۇحباتىندا 2024 جىلدى قورىتىندىلاپ قانا قويماي، بىرىڭعاي ۋاقىت بەلدەۋى، اتوم ەلەكتر ستانساسى، دوللار باعامى، تالعار وقيعاسى، كەزەكتەن تىس سايلاۋ وتكىزۋ ىقتيمالدىعى جانە باسقا دا قوعامدا قىزۋ تالقىلانعان كوكەيكەستى ماسەلەلەرگە قاتىستى پىكىر ءبىلدىردى. جىل باسىندا اشىق ءارى مازمۇندى سۇحبات بەرۋ جاڭا ساياسي داستۇرگە اينالىپ كەلەدى.
بۇل سۇحباتتاعى نەگىزگى وي-تۇجىرىم – ەلىمىزدە اۋقىمدى ءارى جان-جاقتى رەفورمالار جالعاسىن تابادى، الدا اتقارىلاتىن جۇمىس كوپ، سىن-قاتەرگە تولى كەزەڭدە كۇش-جىگەرىمىزدى بىرىكتىرىپ، قوعامنىڭ بەرەكە-بىرلىگىن ساقتاي ءبىلۋ كەرەك.
جالپى، سۇحباتتا ىشكى ساياساتتىڭ 2025 جىلعا ارنالعان كۇن ءتارتىبى انىقتالعان. مۇنداي ءتاسىل مەملەكەتتىك ورگاندار ءۇشىن دە، قوعام ءۇشىن دە ءتيىمدى، سەبەبى مەملەكەت ساياساتىنىڭ ماقساتتارىن تەرەڭ تۇسىنۋگە سەپتىگىن تيگىزەدى. بيلىكتىڭ ەلىمىزدى ودان ءارى دامىتۋعا قاتىستى ۇستانىمىن كورسەتەدى”، - دەپ جازدى ەرلان قارين.
