پالەستينا بيلىگى يوردان وزەنىنىڭ باتىس جاعالاۋىنداعى قاتارلىق «ءال-جازيرا» تەلەارناسىنىڭ حابار تاراتۋىن توقتاتۋ تۋرالى شەشىم قابىلدادى، دەپ حابارلايدى “ادىرنا” ۇلتتىق پورتالى CNN-گە سىلتەپ.
پالەستينانىڭ رەسمي اقپارات اگەنتتىگى Wafa-نىڭ مالىمەتىنشە، تەلەارنا «پالەستينا ىشكى ىستەرىنە ارالاساتىن قوزدىرعىش ماتەريالدار مەن الاڭداۋشىلىق تۋدىراتىن حابارلامالاردى» تاراتقانى ءۇشىن ايىپتالعان. بيلىك ارنانىڭ قىزمەتى ونىڭ قۇقىقتىق مارتەبەسى رەتتەلگەننەن كەيىن عانا قالپىنا كەلۋى مۇمكىن ەكەنىن مالىمدەدى.
تەلەارنا بۇل شەشىمدى سىنعا الىپ، ونى «باسىپ الىنعان اۋماقتارداعى شىندىقتى جاسىرۋ ارەكەتى» دەپ اتادى.
“جابۋ تۋرالى شەشىم بيلىك دەمەۋشىلىك ەتكەن ۇيىمداردىڭ ءبىزدىڭ جۋرناليستەرگە قارسى ارانداتۋ مەن قورقىتۋ ناۋقانىنان كەيىن قابىلداندى”، — دەلىنگەن تەلەارنا تاراتقان مالىمدەمەدە.
ارنا بيلىكتەن بۇل شەشىمدى قايتا قاراۋدى جانە ءتۇسىرۋ توبىنا ەلدەگى وقيعالاردى كورسەتۋدى جالعاستىرۋعا رۇقسات بەرۋدى تالاپ ەتتى.
ايتا كەتەيىك، بۇعان دەيىن «ءال-جازيرا» اقش اۋماعىندا دا حابار تاراتۋدى توقتاتقان بولاتىن. بۇل جاعداي تەلەارنانىڭ قىزمەتى ءتۇرلى ەلدەردە ساياسي قىسىمعا ۇشىراپ وتىرعانىن كورسەتەدى.
