ازەربايجان پرەزيدەنتى يلحام اليەۆتىڭ شەشىمى ءپۋتيندى تىعىرىققا تىرەدى. بۇل تۋرالى تۇركيانىڭ Haber Global تەلەارناسى AZAL جولاۋشىلار ۇشاعىنىڭ اپاتقا ۇشىراۋى تۋرالى دايىنداعان رەپورتاجىندا ايتىلعان، دەپ حابارلايدى “ادىرنا” ۇلتتىق پورتالى.
Haber Global تەلەارناسى دايىنداعان ماتەريالدا ءپۋتيننىڭ ازەربايجاننان كەشىرىم سۇراۋعا ءماجبۇر بولعانى، ال كەلەسى كۇنى پرەزيدەنت يلحام اليەۆتىڭ ازەربايجان تاراپىنىڭ ءادىل تالاپتارىن بايانداعانى اتاپ وتىلگەن.
سيۋجەتتە ازەربايجان مەملەكەتى باسشىسىنىڭ رەسەي تاراپى ۇشاقپەن بولعان وقيعادان كەيىن بىردەن جاۋاپكەرشىلىكتى ءوز موينىنا الماعاندىعى، ال رەسەي فەدەراتسياسىنداعى كەيبىر توپتار ءتىپتى ءارتۇرلى ستسەناريلەر ۇسىنعانى تۋرالى مالىمدەمەلەرىنە باسا نازار اۋدارىلعان.
سونداي-اق، اۋە اپاتىن 17 حالىقارالىق ساراپشىدان تۇراتىن توپ تەرگەپ جاتقاندىعى ايتىلعان.
ەسكە سالساق، 25 جەلتوقسان كۇنى ازەربايجاننىڭ «ازەربايجان اۋە جولدارى» كومپانياسىنىڭ Embraer ە 190 ۇشاعى باكۋدەن گروزنىيعا ۇشىپ بارا جاتىپ، قازاقستاننىڭ اقتاۋ قالاسى ماڭىندا اپاتقا ۇشىرادى. ۇشاقتىڭ بورتىندا 67 ادام بولعان، ونىڭ 38-ءى قازا تاپتى.
