جامبىل وبلىسى كوكباستاۋ اۋىلىنداعى امانگەلدى ورتا مەكتەبىنىڭ 10-سىنىپ وقۋشىسى ءوز- وزىنە قول جۇمسادى. بۇل تۋرالى اقپارات الەۋمەتتىك جەلىلەردە پايدا بولىپ، كەيىن پوليتسيا راستادى، دەپ حابارلايدى “ادىرنا” ۇلتتىق پورتالى.
Halyqstan مالىمەتىنشە، 15 جاستاعى بالا تولىق ەمەس وتباسىنان شىققان. ول التى بالانىڭ ءبىرى بولعان.
ءتورت جىل بۇرىن اكەسى ۇزاققا سوزىلعان اۋرۋدان قايتىس بولىپتى. اناسى بالالارىن جالعىز ءوزى تاربيەلەپ كەلگەن. اۋىل تۇرعىندارى وتباسى جايلى تەك جاقسى پىكىر ايتقان.
"بۇل بالا تاربيەلى ەدى، ەشقانداي اگرەسسياسى نەمەسە سۋيتسيدكە بەيىم مىنەز-قۇلقى بايقالماعان", – دەپ جازادى Halyqstan Telegram ارناسى.
قۇقىق قورعاۋ ورگاندارى ءسۋيتسيدتىڭ سەبەپتەرىن انىقتاۋدا.
جامبىل وبلىستىق پوليتسيا دەپارتامەنتىنىڭ مالىمەتىنشە، قازىرگى تاڭدا قر قىلمىستىق كودەكسىنىڭ ء“وز-وزىنە قول جۇمساۋعا يتەرمەلەۋ" بابىمەن سوتقا دەيىنگى تەرگەۋ باستالعان.
“وقيعا ورنىنا جەدەل تەرگەۋ توبى، - پروكۋراتۋرا، ءبىلىم باسقارماسىنىڭ وكىلدەرى، پسيحولوگتار جانە بالا قۇقىقتارى جونىندەگى ۋاكىل باردى. تەرگەۋدىڭ وبەكتيۆتىلىگى مەن جان- جاقتىلىعىن قامتاماسىز ەتۋ ءۇشىن بارلىق شارالار قولدانىلىپ جاتىر”، - دەلىنگەن پوليتسيا دەپارتامەنتىنىڭ رەسمي حابارلاماسىندا.
