اقتاۋ ماڭىنداعى ۇشاق اپاتىنا بايلانىستى رەسەيلىك روساۆياتسيا باسشىسى دميتري يادروۆ مالىمدەمە جاسادى. ول ازەربايجان اۋە جولدارىنىڭ ۇشاعى جاقىنداعاندا گروزنىي ۇستىندە ۋكراينالىق دروندار ۇشىپ جۇرگەنىن ايتتى، دەپ حابارلايدى “ادىرنا” ۇلتتىق پورتالى.
Tvrain مالىمەتىنشە، ول ەكى كۇننەن بەرى العاش رەت رەسمي مالىمدەمە جاساپ وتىر.
يادروۆ بولعان جاعدايدىڭ بارلىق ءمان-جايىن مۇقيات تەكسەرۋ قاجەتتىگىن ايتقان. ونىڭ سوزىنشە، اپات بولعان كۇنى گروزنىي اۋەجايىنىڭ ماڭىنداعى جاعداي وتە قيىن بولعان. يادروۆتىڭ ايتۋىنشا، "ۋكراينا دروندارى وسى ۋاقىتتا گروزنىي جانە ۆلاديكاۆكاز قالالارىندا ازاماتتىق ينفراقۇرىلىمعا شابۋىل جاساعان".
وسى كەزدە اۋەجاي ايماعىندا بارلىق اۋە كەمەلەرىنىڭ كورسەتىلگەن كەڭىستىكتەن دەرەۋ كەتۋىن كوزدەيتىن "كىلەم" رەجيمى ەنگىزىلگەن.
سونىمەن قاتار، تۇمان ءتۇسىپ، 500 مەتر بيىكتىكتى كورۋ قيىنعا اينالعان.
“اۋە كەمەسىنىڭ كومانديرى گروزنىيعا ۇشاقتى قونۋعا ەكى رەت ارەكەت جاسادى، ونىسى ءساتسىز بولدى. كومانديرگە باسقا اۋەجايلار ۇسىنىلدى. ول اقتاۋ اۋەجايىنا بارۋ تۋرالى شەشىم قابىلدادى”، - دەپ قورىتىندىلادى روساۆياتسيا باسشىسى.
ەسكە سالا كەتەيىك، 25 جەلتوقسان كۇنى اقتاۋ قالاسىنىڭ ماڭىندا Azerbaijan Airlines اۋەكومپانياسىنىڭ باكۋدەن گروزنىيعا باعىت العان جولاۋشىلار ۇشاعى اپاتقا ۇشىراپ, 38 ادام قازا تاپقان بولاتىن.
بورتتا 5 ەكيپاج مۇشەسىن قوسا العاندا 67 ادام بولعان. جولاۋشىلاردىڭ 6-اۋى قازاقستان، 42-ءسى ازەربايجان، 3-ەۋى قىرعىزستان، 16-سى رەسەي ازاماتى. 29 ادام جاراقات الىپ، اۋرۋحاناعا جاتقىزىلدى، ولاردىڭ اراسىندا ەكى بالا بار. اپاتتان امان قالعاندار اراسىندا قازاقستاندىقتار جوق.
ەسكە سالساق، 2020 جىلى 8 قاڭتاردا تەگەران (يران) اۋەجايى ماڭىندا "حالىقارالىق ۋكراينا اۋە جەلىسىنىڭ" ۇشاعى ۇشىپ شىققاننان كەيىن ىلە-شالا ەكى زىمىران اتىپ تۇسىرگەن بولاتىن.
№752 رەيسىندەگى ۇشاقتا بولعان 176 ادام تۇگەل مەرت بولعان ەدى.
بىرنەشە كۇننەن سوڭ يران بيلىگى ۋكراينالىق ۇشاقتى اسكەريلەردىڭ "قاتەلەسىپ" اتىپ تۇسىرگەنىن مويىنداپ، "بۇل ادام فاكتورىنان بولعان اپات" دەدى.
سول كەزدە يراننىڭ سىرتقى ىستەر ءمينيسترى مۇحاممەد دجاۆاد زاريف ۇشاق اپاتىنان قازا بولعانداردىڭ وتباسىنان كەشىرىم سۇراپ، كوڭىل ايتتى.
ال رەسەي اقتاۋ ماڭىنداعى ۇشاق اپاتىنا شابۋىل جاسالعانىن باتىس دالەلدەر كەلتىرگەننەن كەيىن عانا مويىندادى. دەگەنمەن كەشىرىم سۇرامادى.
بۇعان دەيىن ءازىربايجان پارلامەنتىنىڭ دەپۋتاتى راسيم مۇسابەكوۆ “رەسەي تاراپى ازەربايجاننان كەشىرىم سۇراۋى كەرەك” دەپ مالاملەمە جاساعان بولاتىن.
2014 جىلدىڭ 17 شىلدەسىندە دە رەسەي مالايزيالىق من17 ۇشاعىن اتىپ تۇسىرگەن بولاتىن. ۇشاقتا بولعان بارلىق 298 جولاۋشى، ونىڭ ىشىندە 80 بالا جانە 15 ەكيپاج مۇشەسى قايتىس بولعان ەدى.
سول كەزدە رەسەي ۋكراينادان ۋكراينا رەسەيدەن كورگەن بولاتىن. ۇشاقتىڭ «قارا جاشىگىن» رەسەيگە جىبەرگەن، ال ۋكراينا بۇعان قارسى شىعىپ: «سەپاراتيستەر اپات سەبەبىن جاسىرۋدى كوزدەيدى» دەپ مالىمدەگەن.
الايدا ۇشاق رەسەي قولدايتىن بۇلىكشىلەر باقىلاۋىنداعى اۋماقتان اتىلعان زىمىران جۇيەسى ارقىلى اپاتقا ۇشىراعانى بەلگىلى بولدى. JIT تۇجىرىمدارىنا سايكەس، ۇشاقتى اتقان يزىمىران رەسەي قارۋلى كۇشتەرىنىڭ 53 اۋە قورعانىس بريگاداسىنا تيەسىلى جانە اپات بولعان كۇنى رەسەيدەن ۋكرايناعا جەتكىزىلگەن. ۇشاقتى اتىپ تۇسىرگەننەن كەيىن زىمىران رەسەي اۋماعىنا قايتقان. نيدەرلاند مەملەكەتتىك پروكۋراتۋراسى 2014 جىلدىڭ جازىندا كوتەرىلىسشىلەر كۇشتەرىن باسقارعان رەسەي ازاماتى يگور سترەلكوۆ پەن ونىڭ قاراماعىنداعى ءۇش ادامدى اپاتقا قاتىسى بار دەپ ايىپتادى.
