ءماجىلىس دەپۋتاتى مۇرات ابەنوۆ رەسەي مەملەكەتتىك دۋماسى ۆيتسە-سپيكەرىنىڭ قازاقستانعا قاتىستى مالىمدەمەسىنە پىكىر ءبىلدىردى، دەپ حابارلايدى “ادىرنا” ۇلتتىق پورتالى.
«رەسەي دە، قازاقستان دا تاۋەلسىز جانە دەموكراتيالىق ەلدەر، مۇندا اركىم ءوز پىكىرىن بىلدىرۋگە قۇقىلى. بىراق مۇنداي دورەكى سوزدەردى تەك دەپۋتات ەمەس، مەملەكەتتىك دۋمانىڭ ۆيتسە-سپيكەرى تولستوي مىرزا ايتىپ جاتقاندا، مەن مۇنى مۇلدەم قابىلدامايتىن دەپ سانايمىن»، - دەدى ابەنوۆ.
ءماجىلىس دەپۋتاتى ەكى مەملەكەت باسشىلارى جۇرگىزىپ وتىرعان ساياسات ستراتەگيالىق ارىپتەستىكتى نىعايتۋعا، ءوزارا ءتيىمدى ەكونوميكالىق ىنتىماقتاستىقتى ارتتىرۋعا، ءوزارا مۇددەلەردى ەسكەرۋگە باعىتتالعانىن اتاپ ءوتتى. سونىمەن قاتار، مەملەكەت باسشىلارىنىڭ قارىم-قاتىناسى سەنىم مەن سىيلاستىققا نەگىزدەلگەن.
«تولستوي مىرزا ءوزىنىڭ ارانداتۋشىلىق مالىمدەمەلەرىمەن ءوز ەلىنىڭ باسشىلىعىنىڭ ساياساتىنا كۇمان كەلتىرەتىنى انىق.
ازاماتتاردىڭ مادەنيەتسىزدىگى مەن قۇقىقتىق مادەنيەتىنىڭ تومەندىگىنە بايلانىستى جەكەلەگەن وقيعالاردى دەپۋتات تەندەنتسيا رەتىندە كورسەتىپ وتىر جانە بۇل ەلەۋلى الاڭداۋشىلىق تۋعىزبايدى. بىراق رەسەيدىڭ وزىندە قازاق فوبياسىنىڭ كورىنىس بەرۋ جاعدايلارى كوپ، بىراق قازاقستاندىق دەپۋتاتتار ەكى مەملەكەت اراسىنداعى دوستىق پەن ىنتىماقتاستىق مۇددەلەرىنە سۇيەنە وتىرىپ، مۇنداي وقيعالاردى ەشقاشان ساحنالامايدى»، - دەپ قوستى مۇرات ابەنوۆ.
پارلامەنتاري قازاقستاندىق دەپۋتاتتار رەسەيلىك دەپۋتاتتارعا قاراعاندا قازاقستان-رەسەي قارىم-قاتىناسىنىڭ بارلىق اسپەكتىلەرىنە الدەقايدا جاۋاپكەرشىلىكپەن قارايدى دەپ ەسەپتەيدى.
«مەن رەسەيدىڭ كوپۇلتتى حالقىنىڭ وكىلى بولاتىن رەسەيلىك ارىپتەستەرىمدى كورشىلەس ەكى مەملەكەتتىڭ دوستىعى مەن ىنتىماقتاستىعىنا قامقورلىق جاساۋعا شاقىرعىم كەلەدى»، — دەدى ماجىلىسمەن.
ايتا كەتەيىك، بۇعان دەيىن رەسەي مەملەكەتتىك دۋماسىنىڭ ۆيتسە-سپيكەرى پەتر تولستوي «كومسومولسكايا پراۆدا» راديوسىنىڭ ەفيرىندە «رەسەي ۋكراينا تاقىرىبىن جاپپاسا، قازاقستانمەن، ارمەنيامەن جانە توڭىرەكتەگى باسقا ەلدەرمەن پروبلەمالار تۋىندايتىنىن» ايتقانىن جازعان ەدىك.
