17 جەلتوقسان كۇنى تاڭەرتەڭ شىمكەنت قالاسىندا جەكە تۇرعىن ۇيدە ءورت شىعىپ، 52 جاستاعى ايەل قازا تاپتى، دەپ حابارلايدى "ادىرنا" ۇلتتىق پورتالى.
ءورتتىڭ اۋماعى 100 شارشى مەتردى قۇرادى. قۇتقارۋشىلار وقيعا ورنىنان 1972 جىلى تۋعان ايەلدىڭ دەنەسىن تاپتى. سونىمەن قاتار، 2000 جانە 2001 جىلدارى تۋعان ەكى ازامات پەن نارەستە زارداپ شەككەن. ولار تۇتىننەن ۋلانۋ سالدارىنان شۇعىل اۋرۋحاناعا جەتكىزىلدى.
جۋرناليست ميحايل كوزاچكوۆتىڭ مالىمەتىنشە، قازا تاپقان ايەل تۇركىستان وبلىسى تەرگەۋ سوتىنىڭ توراعاسىنىڭ بۇرىنعى جۇبايى بولعان. وقيعا ورنىنان كەروسين قۇيىلعان كانيسترلەر تابىلعان.
«قازىرگى ۋاقىتتا بولعان جاعدايدىڭ بارلىق ءمان-جايىن انىقتاۋعا باعىتتالعان تەرگەۋ شارالارى جۇرگىزىلۋدە. ءىس بويىنشا تەرگەۋ شىمكەنت پوليتسيا دەپارتامەنتى باسشىلىعىنىڭ باقىلاۋىندا»، — دەلىنگەن حابارلامادا.
