«تاۋەلسىزدىك بەلگىسىندە» قازاقستان تاريحىندا ءىز قالدىرعان جەتى كورنەكتى تاريحي تۇلعا مەن سەگىز ماڭىزدى تاريحي داتا قامتىلعان.
بەلگىنىڭ ورتالىق ەلەمەنتى - ەلدىڭ اۋماقتىق تۇتاستىعى مەن بىرلىگىن بەينەلەيتىن قازاقستان رەسپۋبليكاسىنىڭ كارتاسى جانە "QAZAQSTAN" جازۋى. شەڭبەردە بەلگىلى ءبىر تارتىپپەن تاريحي تۇلعالار، داتالار، سيمۆولدار بەينەلەنگەن:
1. التىن ادام (ب.ز. د. 5-4 عاسىر) — ساق ءداۋىرىن جانە ولاردىڭ قازاقستان مادەنيەتى مەن تاريحىنا اسەرىن بەينەلەيدى.
2. ۇلى مودە قاعان (ب.ز. د. 209 جىل) — ۇلى عۇن دەرجاۆاسىنىڭ نەگىزىن قالاۋشى.
3. 552 جىل-تۇركى قاعاناتىنىڭ قۇرىلعان جىلى، ونىڭ سيمۆولى ءبورىلى بايراق.
4. 1465 جىل — قازاق حاندىعى قۇرىلعان جىل جانە كەرەي مەن جانىبەك حاندار بەينەلەنگەن.
5.ءۇش ءجۇزدى بىرىكتىرگەن ابىلاي حان سايلانعان 1771 جىل مەن ونىڭ بەينەسى.
6. قازاق تاۋەلسىزدىگى ءۇشىن كۇرەسكەن كەنەسارى قاسىمۇلى حان سايلانعان 1841 جىل.
7. 1917 جىل — الاش وردا ۇكىمەتىنىڭ قۇرىلۋى جانە ونىڭ جەتەكشىسى ءاليحان بوكەيحان بەينەلەنگەن.
8. 1991 جىل — قازاقستان تاۋەلسىزدىگىن جاريالاعان جىل، تاريحي پروتسەستىڭ شارىقتاۋ شەگى.
بەلگى التىن تۇستە جاسالعان جانە اتالعان وقيعالاردىڭ تەرەڭ ءمانىن بىلدىرەدى. سونىمەن قاتار بەلگى ماڭىزدى قولدانبالى مانگە يە. "تاۋەلسىزدىك بەلگىسى" جاستارعا تاۋەلسىزدىكتىڭ قالىپتاسۋىنا الىپ كەلگەن نەگىزگى وقيعالاردى تەز جانە قاراپايىم تۇسىندىرۋگە مۇمكىندىك بەرەدى. "تاۋەلسىزدىك بەلگىسى" رەسپۋبليكالىق Qazaq club-تىڭ ۇلت قۇندىلىقتارىن ساقتاۋ ورتالىعىنىڭ باستاماسىمەن ازىرلەندى.
