تاۋەلسىزدىك كۇنى قارساڭىندا ءتارتىپ ساقشىلارى كۇشەيتىلگەن رەجيمدە جۇمىس ىستەيدى، دەپ حابارلايدى "ادىرنا" ۇلتتىق پورتالى.
14 جەلتوقساننان باستاپ ىشكى ىستەر ورگاندارىنىڭ جەكە قۇرامى تولىق قىزمەت اتقارۋدىڭ كۇشەيتىلگەن نۇسقاسىنا كوشتى.
ءىىم تاۋەلسىزدىك كۇنى قارساڭىندا پوليتسيا قوعامدىق ءتارتىپتى، ازاماتتاردىڭ تىنىشتىعى مەن قاۋىپسىزدىگىن قامتاماسىز ەتۋ بويىنشا جۇمىستارىن كۇشەيتكەنىن حابارلادى.
مەرەكەلىك ءىس-شارالار وتەتىن جەرلەر مەن ازاماتتار كوپ جينالاتىن ورىنداردا جانە مەملەكەتتىك قورعاۋعا جاتاتىن نىسانداردا پوليتسيا ناريادتارى كوبەيتىلگەن.
«ىشكى ىستەر مينيسترلىگى ءىس-شارالاردىڭ وتكىزىلۋى كەزىندە قوعامدىق قاۋىپسىزدىكتىڭ ءتيىستى دەڭگەيىن قامتاماسىز ەتۋ ءۇشىن بارلىق قاجەتتى شارالاردى قابىلدايدى»، دەلىنگەن حابارلامادا.
