الماتىدا قالىڭ توپتىڭ ناماز وقۋ ءۇشىن جولدى جاپقانى تۋرالى وقيعاعا بايلانىستى پوليتسيا تەرگەۋ جۇمىستارىن جۇرگىزىپ جاتىر. بۇل تۋرالى قر ىشكى ىستەر مينيسترلىگى قازتاگ اگەنتتىگىنىڭ ساۋالىنا بەرگەن جاۋابىندا مالىمدەدى، دەپ حابارلايدى "ادىرنا" ۇلتتىق پورتالى.
مينيسترلىكتىڭ حابارلاۋىنشا، جولدى جابۋ ارەكەتى جول قوزعالىسى ەرەجەلەرىن بۇزۋ بولىپ تابىلادى جانە قر اكىمشىلىك قۇقىقبۇزۋشىلىق كودەكسىنىڭ 614-بابىنا (كولىك قۇرالدارىنىڭ قوزعالىسىنا كەدەرگى كەلتىرۋ) سايكەس جاۋاپكەرشىلىككە اكەلەدى.
«اتالعان فاكتى بويىنشا تەرگەۋ جۇرگىزىلۋدە، ونىڭ قورىتىندىسى بويىنشا پوليتسيا قىزمەتكەرلەرىنىڭ ارەكەتىنە قۇقىقتىق باعا بەرىلەدى. كەز كەلگەن، سونىڭ ىشىندە ءدىني سەبەپتەرمەن جولدى جابۋ جول قوزعالىسى ەرەجەلەرىن بۇزۋ بولىپ تابىلاتىنىن جانە اكىمشىلىك كودەكستىڭ 614-بابىنىڭ (كولiك قۇرالدارىنىڭ قوزعالىسىنا كەدەرگiلەر جاساۋ) تالاپتارىنا سايكەس جاۋاپتىلىققا اكەپ سوعاتىنىن ەسكەرتiپ وتەيىك»، – دەپ حابارلادى ءىىم.
وقيعا 7 جەلتوقسان كۇنى ورىن العان. بۇل جاعداي قوعامدا قىزۋ پىكىرتالاس تۋعىزدى.
