تالعارداعى شەرزات پولاتتىڭ ولىمىنەن كەيىن قىزمەتىنەن بوساتىلعان ۆيتسە-مينيستر ايدوس رىسباەۆ ىشكى ىستەر ءمينيسترىنىڭ بۇيرىعىمەن جاڭا قىزمەتكە تاعايىندالدى، دەپ حابارلايدى “ادىرنا” ۇلتتىق پورتالى.
ىشكى ىستەر مينيستىرلىگىنىڭ مالىمەتىنشە، رىسباەۆ پرەزيدەنت اكىمشىلىگىنىڭ كەلىسىمىمەن كولىك پوليتسياسى دەپارتامەنتىنىڭ باستىعى بولىپ تاعايىندالعان.
«ايدوس رىسباەۆتىڭ باسشىلىق قىزمەتتە مول تاجىريبەسى بار، بۇعان دەيىن ىشكى ىستەر ءمينيسترىنىڭ ورىنباسارى قىزمەتىن اتقارعان جانە ءبولىمدى ءتيىمدى باسقارۋعا قاجەتتى قاسيەتتەرگە يە»، – دەپ حابارلادى ءىىم.
ايتا كەتسەك، ايدوس رىسباەۆ ىشكى ىستەر ءمينيسترىنىڭ ورىنباسارى قىزمەتىنەن 2024 جىلعى 18 قازاندا كەتكەن بولاتىن. ول بۇل قىزمەتتە نەبارى 11 اي جۇمىس ىستەدى. پرەزيدەنت كۇشتىك قۇرىلىمدارداعى اۋقىمدى كادرلىق اۋىس-تۇيىستەر كەزىندە قىزمەتتەن بوساتقان شەنەۋنىكتەردىڭ ءبىرى بولدى.
سونىمەن قاتار، رىسباەۆتىڭ قىزمەتتەن كەتۋى تالعاردا 16 جاستاعى شەرزات پولاتتىڭ ولىمىنە قاتىستى داۋمەن تۇسپا-تۇس كەلگەن بولاتىن.
