2025 جىلدان باستاپ قازاقستاندا ايلىق ەسەپتىك كورسەتكىش 6,5 پايىزعا وسەتىنى ايتىلدى، دەپ حابارلايدى "ادىرنا" ۇلتتىق پورتالى.
ايلىق ەسەپتىك كورسەتكىشكە 3 932 تەڭگە قوسىلىپ، ەڭ تومەن كۇنكورىس دەڭگەيى 46 228 تەڭگە بولادى.
كورسەتىلگەن زاڭنىڭ 9-بابىندا 2025 جىلى جالاقىنىڭ ەڭ تومەن مولشەرى وزگەرمەيتىنى، بۇرىنعىشا 85 مىڭ تەڭگە بولىپ قالاتىنى جازىلعان.
ەڭ تومەن كۇنكورىس دەڭگەيى 43 407 تەڭگەدەن 46 228 تەڭگەگە وسەدى. سونىمەن بىرگە زەينەتاقىنىڭ ەڭ تومەن مولشەرى 8,5 پايىزعا ءوسىپ، 62 771 تەڭگە بولدى. بۇرىن 57 853 تەڭگە بولعان. ايتا كەتەرلىك جايت، مۇنداي زەينەتاقىنى جۇمىس ءوتىلى 1998 جىلعا دەيىن كوپ بولعان ازاماتتار الادى. مىسالى، ايەلدەر ءۇشىن 20 جىل، ەر ازاماتتار ءۇشىن 25 جىل بولادى.
