Kaspi.kz قازاقستاندىق رەجيسسەر ايسۇلتان سەيىتوۆتىڭ Tynyq مۋزىكالىق توبى تۋرالى قىسقامەتراجدى دەرەكتى ءفيلمىن تۇسىرۋگە قولداۋ كورسەتتى.
قازاقستاندىق Kaspi.kz يننوۆاتسيالىق كومپانياسى كوپتەگەن جىلدار بويى ادامداردى مۋزىكا، سپورت جانە سالاۋاتتى ءومىر سالتىنىڭ اينالاسىنا بىرىكتىرەتىن باستامالاردى قولداپ كەلەدى.
بيىل Kaspi.kz OYU Fest جانە OYU Live جوبالارىنىڭ باس سەرىكتەسى بولدى. بۇل جوبالاردىڭ نەگىزىن زاماناۋي قازاقستاندىق مۋزىكا ورىنداۋشىلارىن قولداۋ ماقساتىندا تانىمال رەجيسسەر ايسۇلتان سەيىتوۆ قالاعان.
ميحايل لومتادزە، Kaspi.kz باسشىسى جانە نەگىزىن قالاۋشىلاردىڭ ءبىرى:
«قازاقستاندىقتار – ەرەكشە تالانتتى. مەنىڭ بايقاۋىمشا سپورتتا، بيزنەستە، مەديتسينادا جانە مۋزىكادا تاڭعالدىراتىن ادامدار كوپ. ءبىز جاس تالانتتاردى قۋانا قولدايمىز، ويتكەنى ولار ءوز كەزەگىندە ەلدىڭ دامۋىنا ۇلەس قوسادى. OYU Fest ءبىز ءۇشىن ناعىز جاڭالىق بولدى. ءبىز وسى ءبىر تاماشا مۋزىكالىق فەستيۆال مەن OYU Live-تىڭ جاڭا ماۋسىمىنىڭ تۇسىرىلىمىنە باس سەرىكتەس بولعانىمىزعا قۋانىشتىمىز. سونداي-اق Tynyq توبى تۋرالى دەرەكتى فيلم ءتۇسىرىلىمىن قولدادىق. ءبىز بارلىعىمىز جاس مۋزىكانتتارعا ۇلكەن تابىس تىلەيمىز!»
ايسۇلتان سەيىتوۆ، OYU جانە QARA studios جوبالارىنىڭ نەگىزىن قالاۋشى:
«بىزدە Kaspi-مەن تاماشا ۇيلەسىم قالىپتاستى. ءبىزدى قازاقستاندىق مۋزىكانى قۇرمەتتەپ، جاڭا ارتىستەرگە وزدەرىن كورسەتۋگە مۇمكىندىك بەرۋ دەگەن ورتاق ماقسات بىرىكتىرەدى. الماتى مەن استانادا وتكەن فەستيۆالدەردەن جانە OYU Live تۇسىرىلىمدەرىنەن كەيىن ءبىز وسى ماۋسىمنىڭ دەبيۋتانتتارى – Tynyq توبى تۋرالى دەرەكتى فيلم ءتۇسىرۋدى شەشتىك. ولار كەرەمەت اسەم يندي-پوپ مۋزىكاسىن جازادى جانە ورىندايدى، مەن بۇل مۋزىكانى ادامداردىڭ تىڭداپ، قولداعانىن قالايمىن. ەگەر ءسىز ءفيلمدى كورسەڭىز، ولاردىڭ جارقىن، تازا، اقىلدى جانە ءبىلىمدى جاستار ەكەنىن بايقايسىز. وسىنداي توپتارمەن جۇمىس ىستەۋ – مەن ءۇشىن ۇلكەن قۇرمەت. ءبىز بۇل جوبامەن جانە Kaspi-مەن كوللابوراتسيامىزعا ماقتانامىز! كەلەسى جىلى ءبىز جوبانى جانە فەستيۆالدى ايماقتاردا ىسكە قوسقىمىز كەلەدى، ويتكەنى ءبىز جاڭا قازاقستاندىق تالانتتاردى اشقىمىز كەلەدى. ادامدار ولاردى كوبىرەك تانىپ، ءبىزدىڭ جوبامىز ارقىلى ءبىر الەۋمەتتىك كوتەرىلۋ مۇمكىندىگىنە يە بولادى دەپ سەنەمىز».
OYU Fest – بۇل الماتى مەن استاناداعى زاماناۋي مۋزىكاعا ارنالعان اۋقىمدى فەستيۆالدەر، مۇندا يندي-پوپ ستيلىندە ونەر كورسەتەتىن تالانتتى قازاقستاندىق ورىنداۋشىلاردى تىڭداۋعا بولادى. ساحناعا دەبيۋتانتتار دا، جۇلدىزدار دا شىعادى.
OYU Live – ۇزدىك قازاقستاندىق زاماناۋي مۋزىكانتتاردىڭ جاندى داۋىستاعى ءان ورىنداۋلارىن تۇسىرەتىن جوبا. بۇل ءتۇسىرىلىمنىڭ ۆيدەولارىن OYU-دىڭ Youtube-ارناسىنان كورۋگە بولادى. كوپتەگەن تالانتتى دەبيۋتانتتار ءۇشىن بۇل جوبا باستاۋ الاڭى.
ايسۇلتان سەيىتوۆ – قازاقستاندىق رەجيسسەر، پروديۋسەر، ستسەناريست. QARA شىعارماشىلىق بىرلەستىگىنىڭ نەگىزىن قالاۋشى جانە يدەيالىق شابىتتاندىرۋشى. Moldanazar, Kanye West, Offset, Ivan Dorn, L’One, سكريپتونيت، MiyaGi & ەندشپيل، 21 Savage, Jah Khalib جانە باسقالاردىڭ بەينەباياندارىن تۇسىرگەن رەجيسسەر. 2023 جىلى ءوزىنىڭ العاشقى تولىقمەتراجدى «قاش» ءفيلمىن شىعارىپ، شانحاي حالىقارالىق كينوفەستيۆالىندە «ۇزدىك رەجيسسەر» نوميناتسياسىندا جەڭىسكە جەتتى.
Kaspi.kz تۋرالى
Kaspi.kz ميسسياسى – سۇيىكتى تۇتىنۋشىلارى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەردى جاساۋ. يننوۆاتسيالاردىڭ نەگىزى ەلىمىزدەگى ەڭ تانىمال ءموبيلدى سۋپەرقوسىمشا Kaspi.kz, ونى 14 ميلليوننان استام قازاقستاندىق پايدالانادى. ول ەلدەگى جەتەكشى ەلەكتروندى كوممەرتسيا، تولەمدەر جانە قارجىلىق قىزمەتتەردى بىرىكتىرەدى.
Kaspi.kz سۋپەرقوسىمشاسىنىڭ كومەگىمەن قازاقستاندىقتار تەگىن جەتكىزۋ قىزمەتىمەن بىرگە، ونلاين ءتيىمدى زات ساتىپ الادى، كوميسسياسى تولەمدەر مەن اۋدارىمدار جاسايدى، جەكە قارجىسىن باسقارادى، اۋە جانە پويىز بيلەتتەرىن، تۋرلاردى ساتىپ الادى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن Kaspi Pay سۋپەرقوسىمشاسىن جاسادى، ونى 700 مىڭعا جۋىق قازاقستاندىق كاسىپكەر پايدالانادى. Kaspi Pay قوسىمشاسى ارقىلى قازاقستاندىق كاسىپكەرلەر بيزنەستى دامىتۋعا قارجى الادى، تولەمدەردى قابىلدايدى، جارنامالىق ناۋقانداردى باستايدى، سالىق تولەيدى، ەلەكتروندى كوممەرتسيا جانە جەتكىزۋ پلاتفورماسىنا قوسىلىپ، ونىڭ كومەگىمەن بۇكىل ەل اۋماعىندا تاۋارلارىن ساتادى.
