گارۆارد بيزنەس مەكتەبى (Harvard Business School) قازاقستاندىق جەتەكشى تەحنولوگيالىق كومپانيا – Kaspi.kz-كە ارنالعان ەكىنشى وقۋ ماتەريالىن جاريالادى.
گارۆارد بيزنەس مەكتەبى ءوزىنىڭ وقىتۋ ادىسىمەن كىتاپتاردا ەمەس، كومپانيالار مەن ناقتى باسقارۋ شەشىمدەرى تۋرالى ناقتى كەيستەردىڭ نەگىزىندە تانىمال. كلاسسيكالىق گارۆاردتىق كەيس – بۇل كومپانيانىڭ الدىندا تۇرعان باسقارۋ مىندەتى تۋرالى 20-25 بەتتىك اڭگىمە. گارۆاردتىق كەيستەردى تەك گارۆاردتا عانا ەمەس، سونىمەن قاتار بۇكىل الەمدەگى باسقا دا جەتەكشى ۋنيۆەرسيتەتتەردە وقىتادى.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«بۇل Kaspi.kz تۋرالى ەكىنشى گارۆاردتىق كەيس، مۇنىڭ ءوزى كەز كەلگەن كومپانيا ءۇشىن بىرەگەي جەتىستىك. Kaspi.kz تۋرالى العاشقى كەيس 2019 جىلى جازىلعان بولاتىن، ول بويىنشا ستۋدەنتتەر 4 جىلدان بەرى ءبىلىم الىپ جاتىر. جاڭا كەيستىڭ اتاۋى: «Kaspi.kz: يننوۆاتسيالار ارقىلى سەنىم قالىپتاستىرۋ». ول Kaspi.kz-تەگى بىرەگەي كورپوراتيۆتىك مادەنيەتكە جانە ءبىزدىڭ سەرۆيستەردىڭ ساپاسىنا دەگەن قۇشتارلىعىمىزعا ارنالعان، بۇل ءبىزدىڭ سۇيىكتى كليەنتتەرىمىزدىڭ سەنىمىنە يە بولۋعا كومەكتەسەدى. قازىر قازاقستان مەن ەلىمىزدەگى يننوۆاتسيانىڭ قارقىندى دامىپ كەلە جاتقانى تۋرالى بۇكىل الەمدەگى ستۋدەنتتەر مەن پروفەسسورلاردىڭ كوبى بىلەتىنى ءبىز ءۇشىن ەرەكشە قۋانىشتى ءارى ماڭىزدى».
گارۆارد بيزنەس مەكتەبى بوستوندا (اقش) ورنالاسقان، ول الەمدەگى ەڭ بەدەلدى وقۋ ورىندارىنىڭ ءبىرى. ميحايل لومتادزە گارۆارد بيزنەس مەكتەبىنىڭ (Harvard Business School MBA) بيزنەس اكىمشىلەندىرۋ ماگيسترى دارەجەسىن 2002 جىلى العان.
2019 جىلى ميحايل لومتادزە ورتا ازيا، تۇركيا، تاياۋ شىعىس جانە سولتۇستىك افريكا ايماعى بويىنشا گارۆارد بيزنەس مەكتەبىنىڭ كونسۋلتاتيۆتىك كەڭەسىنىڭ قۇرامىنا كىردى. گارۆارد بيزنەس مەكتەبىنىڭ ۇزدىك تۇلەكتەرى كونسۋلتاتيۆتىك كەڭەستىڭ قۇرامىنا كىرەدى. كەڭەستىڭ نەگىزگى مىندەتتەرى – ءبىلىم بەرۋ باعدارلامالارىن جاساۋدا، وڭىرلىك بيزنەستى زەردەلەۋدە جانە جاھاندىق ستراتەگيانى قالىپتاستىرۋدا بيزنەس مەكتەبىنە كومەكتەسۋ.
